• ES
  • EU
  • EN


U-Multirank


 

U-Multirank sailkapenak unibertsitateak sailkatzen ditu bost dimentsio kontuan hartuta: irakaskuntza eta ikaskuntza, ikerketa, jakintzen bestetaratzea, nazioarteko orientazioa eta eskualdeko konpromisoa. U-Multirankek ez du sailkapen bakar bat ematen; aitzitik, aukera ematen die erabiltzaileei unibertsitate jakin baten indarguneak eta ahulguneak identifikatzeko, edo gehien interesatzen zaien gaiei buruzko informazioa jasotzeko, alderdi horietako adierazleetatik abiatuz.

2017an argitaratu den rankingaren laugarren edizio honetan, 99 herrialdetako 1.497 unibertsitatek parte hartu dute. Unibertsitate horietako 70 Espainiakoak dira, 47 publikoak eta 23 pribatuak. Gradu, master eta doktoretzako titulazioak ematen dituzten unibertsitateetarako bilaketa eginez, eta tresnan lehenetsita agertzen diren adierazleak aldatu gabe, Nafarroako Unibertsitate Publikoa 13. tokian dago Espainiako unibertsitate publikoen artean eta 24. tokian, unibertsitate pribatuak ere kontuan hartzen badira. Europar Batasunaren testuinguruan, Nafarroako Unibertsitate Publikoa sailkapenaren erdialdean dago, zehazki 299. tokian 626 unibertsitateren artean, eta 1980tik aurrera sortutakoak (147) kontuan hartuz, Nafarroako Unibertsitate Publikoa 55. tokian dago.

Unibertsitate bakoitzaren profilaren ikuspegi bat lortzeko, hau da, bere indarguneak eta ahulguneak identifikatzeko aukera ematen du U-Multirankek. Hurrengo grafikoan Nafarroako Unibertsitate Publikorako ikuspegi sintetiko hori azaltzen da. Kalifikazio gorena lortu du honako adierazle hauetan: irakaskuntza eta ikaskuntza arloko graduen graduazio tasan, jakintza bestetaratzea arloan etengabeko prestakuntzaren bidez lortutako diru-sarrerak eta eskualdeko diru-sarrerak eskualde-garapenerako ekarpenaren eremuan.

Halaber, U-Multirank analisi espezifiko bat egiten du edizio bakoitzean, diziplina zehatz batzuetan. Aurtengo edizioan, Ekonomia, Enpresa Zientziak, Informatika, Ingeniaritza Elektrikoa, Industria Ingeniaritza/Ekoizpena eta Ingeniaritza Mekanikoa izan dira.