Helburuak

Gizartearekiko Harremanetarako Batzordeak proposatuta, Gizarte eta Enpresa Foroa sortu zuen Gizarte Kontseiluak 2010eko ekainean. Foro hau gizartearen parte-hartzea sustatzeko eta Kontseiluari aholkularitza emateko ingurune bat da, Unibertsitateak gizartean parte har dezan laguntzeko tresna bat. Hauek dira foroaren partaideak: Gizarte Kontseiluaren, errektoretza-taldearen eta Unibertsitate-Gizarte Fundazioaren ordezkariak eta Unibertsitatearen inguruko profesional nabarmen batzuk.

Orduz geroztik, bilerak egin dira NUPen hezkuntza-eredua gizartearen beharretara hurbiltzeko moduaz eztabaidatzeko eta proposamenak egiteko, esate baterako, tituludunen gaitasunak hobetzeko prestakuntza-metodoak martxan jar daitezen, doktoreek enplegu-aukera gehiago izan ditzaten enpresa-munduan eta zientzien eta teknologiaren arloan emakumezkoen presentzia handitzeko.

Gizarte eta Enpresa Foroaren gomendioak Gizarte Kontseiluko batzordeetara bideratzen dira gauzatu ditzaten, edo Unibertsitatearen inguruko instantzia ekonomiko edo politikoetara, edukiaren arabera.