Espetxe eta Zigor Erakundeen Historiari buruzko Ikasketetarako Taldeak Espetxe eta Zigor Erakundeen Historiari buruzko III. Kongresua antolatu du, Kontrol eta Zigor Dispositiboak izenburuarekin, 2019ko irailean Albaceten egindako II. Kongresuari jarraipena emanez.

Kongresuaren helburua truke emankorrerako gune bat antolatzea da, zeinean berriki zigor-arloan egindako ikerketa-ildoak partekatuko baitira, hainbat erakunde eta geografiatan proiektatzen diren kontrol- eta diziplina-logikak kontuan hartuta. Kongresu honen aurreko edizioetan bezala, arlo historiografikotik (Erdi Arotik Aro Garaikidera eta hurbileko historiara) datozen ekarpenak batzeko asmo argia dago, zigor-arloaren egungo modulazioekin lotura handiagoa duten analisiekin, Soziologia, Antropologia edo zuzenbidea bezalako disziplinetatik bultzatuak izaten ari direnak. Kontrolaren eta zigorraren erakunde eta esperientziei buruzko ikerketa historikoaren egoera eguneratzeko aukera ona izango da, diziplina anitzeko ikuspegitik egina. Gainera, gerrak gero eta presentzia handiagoa duen eta gizartearen hainbat dimentsiotan proiektatzen den testuinguru batean, beharrezkotzat eta premiazkotzat jotzen dugu berriz ere ikuspegi kritikoz hausnartzea zigorraren nozioa birpentsatzeko moduei buruz baita honek arlo sozialeko hainbat eremutan hartu eta hartzen dituen formei buruz ere.

Kongresu hau ikerketa proiektu baten baitan antolatu da: “Historia y presente del control social, las instituciones punitivas y los cuerpos de seguridad en España (siglos XX-XXI): Prácticas, discursos y representaciones culturales”. (PID2021-123504NB-I00)