NUPeko Teknologia Elektronikoaren Katedra Nafarroako Unibertsitate Publikoaren eta sistema eta produktu elektronikoak garatzen, fabrikatzen eta/edo banatzen dituzten zenbait enpresaren arteko hitzarmen bat sinatuz sortu da: Azkoyen, Jofemar, Falcón Electrónica, IED Electronics, Guinaz Electronics, Embeblue eta RS.

Helburuak

• Teknologia elektronikoaren arloan ezagutza sortzen laguntzea.
• Ikasleen eta profesionalen prestakuntza praktikoan laguntzea.
• Nafarroan industria elektronikoaren sektorearen ikusgarritasuna hobetzea, baita hitzarmena sinatu duten enpresen jarduerarena ere.
• Elektronikarekin lotutako eskaintza akademikoa hobetzen laguntzea.
• Teknologia elektronikoaren arloko dibulgazio zientifiko eta teknikorako jarduerak egitea, ingeniaritza elektronikoarekin lotutako bokazio teknikoak sustatzen laguntzeko.
• Ingeniaritza elektronikoan emakumeek parte-hartze handiagoa izan dezaten lagunduko duten ekimenak garatzea eta haiekin lankidetzan aritzea.
• Teknologia elektronikoaren arloan ikerketa aurreratua sortzea.

Jarduerak

• Teknologia elektronikoaren ildo tematiko desberdinetan ikerketa-proiektuak babestea eta sustatzea, baita doktoretza-tesiak eta ikasketen amaierako lanak ere.
• Enpresa sinatzaileetan zuzendaritza-postuak betetzen dituzten pertsonek Unibertsitatean parte hartzea, beren esperientzia ikasleekin partekatzeko.
• Katedraren jarduerarekin zerikusia duten gaiei buruzko doktoretza-tesiak eta ikasketen amaierako lanak egin daitezela bultzatzea.
• Beste unibertsitate eta produkzio zentro batzuekiko ikasle trukeak sustatzea praktika nazionalak eta nazioartekoak egin ditzaten.
• Prestakuntza jarraituko jarduerak antolatzea.
• Katedra bultzatu duten enpresak bisitatzea.
• Ingeniaritza elektronikoaren arloan bokazioak sustatzera bideratutako hitzaldiak, mintegiak, ikastaroak eta bestelako prestakuntza-jarduerak diseinatzea eta antolatzea.
• Sariak eta bekak ematea.