Ikus-entzunezko materiala bideo batzuk dira, bereziki egokiak direnak DBHko azkeneko ikasmailetarako, Lanbide Heziketarako eta Batxilergorako.

Emakume gazte ingeniari batzuei buruzko bideoak dira. Ikuspegi hurbil, pertsonal eta erakargarri batetik daude deskribatuak; ingeniaritza eta zientzia arlo hotzegiak eta konplexuegiak direlako ideia desmitifikatu nahi dugu horrela.

Heldu diren ikasturteetan, bideo gehiago jarriko ditugu atal honetan.

Material guztia libre eta dohainik deskargatzeko moduan dago.

Bideoa Liburu bat eta kandela bat

Protagonista: Fátima Smail, Industria Teknologien Ingeniaritzako Graduko eta Industria Ingeniaritzako Masterreko ikasle ohia. Zaragozako SEGULA Technologies enpresan lan egiten du, trenetarako eta trenbideetarako sistemak diseinatzen. NUPeko antzerki-taldean parte hartu zuen.

Egilea: Helena Bengoetxea (zinemagilea, "Matrioskas, las niñas de la guerra" eta "Petrus, historia de un capitel" film-dokumentalen egilea).

Bideoa ¿Y si pudieras cambiar el futuro?

Bideo honetan, Ana Murillo aurkeztuko digute, ingeniari industriala, Nafarroako mendialdeko herri txiki batean jaioa.

Bideoa Etorkizunak emakume-izena du

“Etorkizunak emakume-izena du” da Sonia Elizondo Martínez protagonista duen bideo honen izenburua. Sonia ingeniari informatikoa eta doktoretzako ikaslea da NUPeko Estatistika, Informatika eta Matematika Sailean. Gaur egun Touchless proiektu europarrean ari da ikerlanean.

Bideoa Emakumea, nola ez

“Emakumea, nola ez” du izenburua Marta Melero telekomunikazio ingeniaria protagonista duen bideo honek. Bere lanbidearekin, izar eta astronomiarekin eta antenekin lotutako zenbait gauza kontatzen dizkigu, gehiago jakiteko aukera ematen digutenak. Halaber, pinturarekiko eta poesiarekiko grinaz, bere zaletasunez eta bizimoduaz ere mintzo zaigu.