2010-2011 ikasturteaz geroztik, Unibertsitateko liburutegiak informazio gaitasunei buruzko ikastaroak ematen ditu.

Norentzat

Helburua da Unibertsitatean sartu berri diren ikasleei tresnak ematea informazioa bilatu, aukeratu eta erabiltzearekin zerikusia duen guztian laguntzeko. Ezagutza horiek beharrezkoak izango zaizkielako beren prestakuntza prozesu guztian, eta are gero ere, beren etorkizun akademikoan edo profesionalean ere beharrezkoa edukiko dutelako.

Horretarako, Erreferentzien Bulegoak sei ikastaro birtual ematen ditu NireIkasgelategia plataforman. IG (Informazio Gaitasuna": bilatu, ebaluatu eta erabiltzea izeneko ikastaroak graduetako lehen ikasmailetako ikasleei zuzentzen zaizkie.

Nahiz eta informazio gaitasun hauek zeharkakoak izan, eta diziplina guztietan baliagarriak izan, nahi izan genuen berezitasun-osagarri bat ere edukitzea, gradu guztiei egokituz, hein batean edo beste batean.

NireIkasgelategira sar zaitez zure ikastaroa bilatzeko
 

Ondorengo koadroan azaltzen dira IG ikastaroen sei edizioak zeintzuk diren, eta zer graduri zuzentzen zaion bakoitza:
 

Graduetako irakasgaietan txertatzea

IG ikastaroekin graduetako ikasle guztiengana iritsi nahi genuen, beren ikasketak hasten diren unetik. Erabili den modua izan da graduko irakasgairen batekin lotzea (1. edo 2. ikasmailakoa), ikasle guztiek ikastaroan sartzeko aukera eduki zezaten.
2012-2013 ikasturtetik aurrera, Unibertsitatearen gradu guztiek badute dagokien IG ikastaroa atxikia beren irakasgairen bati.

Koadro honetan ikusten ahal dira IG ikastaroen txertatzea nolakoa den:

Graduetako irakasgaietan txertatzea

Ikasleek IG ikastaro batean izena eman ahal izateko, aldez aurretik hitzarmena egin beharko da graduko irakasgai batekin. Ikastaroak ez daude pentsatuta ikasleek bakarka izena eman dezaten.
Autoprestakuntzako ikastaroak dira, zeinetan ikasleak lan pertsonalizatua eta bakarkakoa egin behar baitu, EUEren esparruan ezartzen diren beharren ildotik.
Hauek dira Liburutegiak hartzen dituen konpromisoak:

• Ikasleei ikastaroa aurkeztea loturiko irakasgaiaren eskola batean. Aurkezpena laburra ohi da, ordu erdikoa gutxi gorabehera.
• Ikastaroei arreta eskaintzea eta jarraipena egitea, ikasturte birtualaren foroen bidez eta Erreferentzien bulegoko arreta pertsonalaren bidez.
• Irakasleei jakinaraztea ikasleen ikasturtearen jarraipena zenbatekoa den, aldez aurretik finkatu den egunean.

Ikasle bakoitzarentzat, datu hauek emango dira:

• Moduluetako azterketetan lortutako puntuazioak.
• Zenbat dokumentu ireki den, ikasturteko dokumentu guztiak kontuan hartuta.

Balioespena
Ikasturtearen jarraipenaren balioespena, irakasgaiaren testuinguru orokorraren barruan, irakasleei dagokie.
Liburutegiak uste du, hala ere, garrantzizkoa dela ikastaroaren jarraipenak ikasleek aldez aurretik ezagutuko duten balioespen berariazkoa edukutzea.