University of Cardiff, Silvia Reciok azpititulatua, NUPeko liburutegia

Interneten, edonork argitara dezake edozer, foro batean edo blog batean, edo baita bere web-orrialdean ere.

Internetek daukan abantaila da informazio asko dagoenez, oso zaila dela deus ez aurkitzea edozein gairi buruz. Eta daukan eragozpena da Interneteko informazioaren kalitatea ez dela ona.

Arretaz eta era kritikoan jokatu behar da, eta zorrotz aztertu Interneten erabilgarri dagoen informazioa. Erabilgarria izan daiteke webguneak balioesteko.

Interneten ohikoak dira asmo txarreko iruzurrak, mistifikazioak, gezurrak, laugarren eta bosgarren eskuko informazioak, desitxuratzeak, manipulazio interesatuak eta abar, eta abar. Hori dela-eta argi ibili behar da Interneteko iturriekin eta bertatik ateratako informazioarekin.

Liburutegiak hautatutako eta bermatutako datu baseek edo aldizkako argitalpenek fidagarritasun eta berme handiagoa dute Interneten libre erabiltzeko dagoen informazioak baino. Informazioa bilatzeko lehenengo aukera izan beharko lukete.

Adibideak

Hurrengo adibideetan, Interneteko informazio iturri batzuk agertzen dira. "Gure oharrak"; sakatzen badugu, jarraibide batzuk ematen dira iturri horiek iturri fidagarriak diren jakiteko:

1. adibidea
	Itxuraz nahiko serioa ematen duen web-orrialde bat, "guask"-ari buruzkoa, hau da, euskararen eta Aragoiko fablaren arteko nahasketa den hizkuntza bat. Egiaz alegiazko hizkuntza bat da, eta ez da existitzen eta inoiz ez da existitu.
2. adibidea
	Esploratzaile handien biografiak dauzkan orrialdea. Egiaz orrialde bufo bat da eta benetako gertaerak eta pertsonaiak asmakizun barregarriekin nahasten ditu.
3. adibidea
	Martin Luther Kingi buruzko web-orrialde bat dela ematen badu ere, zurien gailentasunaren aldeko talde (white nacionalists) baten eskuetan dago eta Martin Luther Kingen irudia barregarri uzten saiatzen da.
4. adibidea
	Lorategiko olagarroari buruzko orrialde bat. Pentsatzekoa denez, olagarro hori alegiazko animalia bat da.