Tesi-harien #HiloTesis lehiaketa, Twitterreko dibulgazio zientifikoari buruzkoa

NUPeko 2024ko #HiloTesis harien aukeraketa

2024ko #HiloTesis lehiaketan NUPen ordezkari izanen den hariaren aukeraketaren akta

Nork?

NUPeko doktoretzako ikasleak edo lehiaketa hasi aurreko hamabi hilabetean tesia defendatu dutenak, kontuan izanda lehiaketa 2024ko maiatzaren 28an hasi dela

Noiz?

Lehiaketa ekainaren 1etik 15era eginen da, bi egun horiek barne. Ez dira kontuan hartuko epe horretatik kanpoko argitalpenak edo erregistroak.

Nola?

Prestakuntzaldiko ikertzaileek, parte hartzeko, haria edo karrusela argitaratu ondoren, izena eman, eta argitaratutako hariaren esteka bidali beharko dute INPRIMAKI honen bidez. Ez dira aintzat hartuko formularioaren bidez behar bezala erregistratu ez diren argitalpenak, epez kanpo argitaratuak edo formularioan esteka oker jarria dutenak.

Hariaren lehenbiziko mezuak edo karruselaren lehenbiziko irudiak #HiloTesis traola eduki beharko du nahitaez, eta, aukera izanez gero, @RedDivulga, @filarramendi, @Unavarra edo @Cultupna aipatu beharko ditu. Bestela, irudi batean etiketatzen ahalko dira horiek.

Haria edo karrusela estatuko edozein hizkuntza koofizialetan argitaratzen ahalko da, baina Unibertsitateak gaztelaniara itzulitako bertsio bat eman beharko du baldin eta fase nazionalerako hautatzen badute.

#HiloTesis zenbait sare sozialetan argitaratzen ahalko dute, baina parte-hartzaileak formularioan adierazi beharko du zehazki haietako zeinekin parte hartu nahi duen lehiaketan. Zabalpen eta inpaktu handiagoa lortzearren, argitalpena sare sozial batean baino gehiagotan egitera animatzen ditugu parte-hartzaileak.

Arauak eta jarraibideak

Parte-hartzaileek arau eta jarraibide hauek bete behar dituzte:

1. Txapelketarako argitalpena zer sare sozialetan aurkeztu nahi den, sare sozial horretan kontu bat izatea.
2. Parte-hartzaile bakoitzaren argitalpen bakarra hartuko da kontuan. Microblogging sareetan egina bada (Twitter, BlueSky, Threads edo Mastodon), gehienez ere 20 mezu/txio/post izan beharko dituzte, eta, horrez gain, sare sozial bakoitzaren mugetan sartu; aldiz, argitalpena Instagram bidez aurkeztuz gero, gehienez ere 10 irudi aurkeztu beharko dituzte (kasu honetan, nahi izanez gero, karruselean bideo bat eta 9 irudi sartzen ahal dira), eta, irudiekin batera, deskribapen testu bat txertatu beharko dute, sare sozial horrek ezarria duen gehieneko luzerakoa. Ez dira aintzat hartuko argitalpenaren erantzunak edo interakzioak, halakorik egonez gero.
3. Era guztietako elementuak erabiltzen ahalko dituzte beren lanen aurkezpena aberasteko, ilustratzeko, edo, besterik gabe, irakurlearen arreta bereganatzeko edo erakargarriagoa egiteko (estekak, emotikonoak, bideoak, irudiak, gif animatuak, etab.).
4. Lehiakideek ematen duten datu edo informazio orok publikoari zabaltzeko modukoa izan behar du. Ez da unibertsitate parte-hartzailearen erantzukizuna izanen parte-hartzaileek arau hori betetzen ez badute.
5. Epaimahaiaren erabakia behin betikoa eta apelaezina izanen da.
6. Argitalpena 2024ko ekainaren 1eko 00:00etatik ekainaren 15eko 23:59era egin beharko da (Penintsulako ordua).
7. Argitalpena egin ondoren, formularioa bete beharko da –lehen adierazi dugu haren esteka– lehiaketaren epearen barrenean, hau da, 2024ko ekainaren 15eko 23:59ra arte (Penintsulako ordua).
8. Estatuko hizkuntza koofizialetako edozeinetan idazten ahal da argitalpena. Finalista izanez gero, argitalpena gaztelaniaz aurkeztu beharko da, estatu mailako epaimahaiak ulertzeko modukoa izan dadin.
9. Argitalpena sare sozial batean baino gehiagotan egiten ahalko da, baina bakarra erregistratuko da ebaluaziorako.

Sariak

Lehiaketak 500 €-ko sei sari izanen ditu, eta Larramendi Fundazioak ordainduko ditu.

Epaimahaia eta balorazio irizpideak

1. Adierazpena eta edukia (3 puntu gehienez): hizkera arrunta (teknizismorik eta jargoi zientifikorik gabekoa) eta dibulgatzailea erabiltzea, espezializaziorik gabeko irakurleak gai izan daitezen testuingurua, ikergaia eta haren garrantzia ulertzeko. Metodologia, emaitza garrantzitsuenak eta ondorioak deskribatzean, egitura logikoa eta erakargarria erabiltzea. Aldizkari eta eduki espezializatuetarako estekak saihestea. Ez mintzatzea arinkeriaz ikerketaren edukiari buruz; dibulgatzailea izan behar du, hurbila, baina zehatza.

2. Sormena (3 puntu gehienez): modu egokian eta erakargarrian erabiltzea edukia aberasteko elementuak, hala nola emotikonoak, irudiak, estekak, bideoak edo GIF animatuak. Aurkezpenak irakurleen jakin-mina piztu behar du. 

3.  Haria #HiloTesis lehiaketaren helburuetara egokitzea (4 puntu gehienez): non ezagutzaren dibulgazioa eta transferentzia soziala izanen diren ardatz nagusia.

Informazio gehiago

Deialdiaren oinarriak eta ohiko galderak eta gomendioak