Tesi-harien #HiloTesis lehiaketa, Twitterreko dibulgazio zientifikoari buruzkoa

Badakigu nork irabazi duen NUPeko 2022ko tesi-harien #HiloTesis lehiaketa:

A.- Kategoria orokorra, NUPeko 2022ko tesi-hari onena (#HiloTesis):

Lehenbiziko saria: Eduardo José Jarauta Ayensa
Bigarren saria: David Lumbreras Magallón
Hirugarren saria: Elieser Ernesto Gallego Martínez

Zorionak!

Nork?

Tesia lehiaketa hasi aurreko sei hilabetean defendatu duten NUPeko doktoretzako ikasleek, kontuan izanda 2022ko apirilaren 19an hasi dela

Noiz?

Lehiaketa apirilaren 19tik 30era eginen da, bi egun horiek barne. Ez dira kontuan hartuko epe horretatik kanpo argitaratutako hariak.

Nola?

Ikasle bakoitzak bere haria argitaratuko du, eta, ondoren, lehiaketan izena eman eta bere harirako esteka bidali beharko du inprimaki honen bidez: https://forms.office.com/r/W9nG8VabJ7. Ez dira kontuan hartuko inprimakiaren bidez behar bezala bidali ez diren hariak.

Hariaren lehenbiziko txioak @RedDivulga, @CrueUniversidad, @UNavarra eta @Cultupna aipatu behar ditu, eta “Abro #HiloTesis" aipamenarekin amaituko da. 

Haria Estatuko edozein hizkuntza koofizialetan argitaratzen ahalko da, baina Unibertsitateak gaztelaniara itzulitako bertsio bat emanen du baldin eta bi kategorietako edozeinetan fase nazionalerako hautatzen badute.

Arauak eta jarraibideak

Parte-hartzaileek arau eta jarraibide hauek bete behar dituzte:

1. Twitterreko kontu bat izatea.
2. Parte-hartzaile bakoitzeko hari bat besterik ez da kontuan hartuko, eta 20 txio izanen ditu gehienez ere. Ez dira zenbatuko beste erabiltzaile batzuen erantzunak.
3. Era guztietako elementuak erabiltzen ahalko dituzte beren lanen aurkezpena aberasteko, ilustratzeko, edo, besterik gabe, irakurlearen arreta bereganatzeko edo erakargarriagoa egiteko (estekak, emotikonoak, bideoak, irudiak, gif animatuak, etab.).
4. Lehiakideek ematen duten datu edo informazio orok jendaurrean zabaltzeko modukoa izan behar du.
5. Epaimahaiaren erabakia behin betikoa eta apelaezina izanen da.
6. Apirilaren 19ko 00:00etatik apirilaren 30eko 23:59 bitarte argitaratu beharko dute haria.
7. Haria argitaratu ondoren, inprimaki hau bete beharko dute lehiaketan parte hartzeko. Lehiaketaren epeen barnean bete behar da inprimakia, hots, apirilaren 30eko 23:59 baino lehen.
8. Haria Estatuko edozein hizkuntza koofizialetan argitaratzen ahalko da.

Sariak

Tokiko fasea: hiru sari (lehena, bigarrena eta hirugarrena) doktoretza-tesien Hari hoberenentzat; sariak 200, 100 eta 50 eurokoak izanen dira hurrenez hurren.

Fase nazionala: sariak Nafarroako Unibertsitate Publikoko lehiakideren bati esleituz gero, sari hauek emateko konpromisoa hartzen du NUPek:

1. Maila nazionaleko kategoria orokorra. 300 €-ko saria hiru #HiloTesis hoberenetako bati.
2. Inklusioaren eta desgaitasunaren kategoria. 300 €-ko saria inklusioari eta desgaitasunari buruzko #HiloTesis hoberenari.

Balorazio irizpideak

1.Adierazpena eta edukia (5 puntu gehienez): hizkera arrunta (teknizismorik eta jargoi zientifikorik gabekoa) eta dibulgatzailea erabiltzea, espezializaziorik gabeko irakurleak gai izan daitezen testuingurua, ikergaia eta haren garrantzia ulertzeko. Metodologia, emaitza garrantzitsuenak eta ondorioak deskribatzean, egitura logikoa eta erakargarria erabiltzea. Aldizkari eta eduki espezializatuetarako estekak saihestea. Ez mintzatzea arinkeriaz ikerketaren edukiari buruz; dibulgatzailea izan behar du, hurbila, baina zorroztasunik galdu gabe.

2. Sormena (5 puntu gehienez): modu egokian eta erakargarrian erabiltzea edukia aberasteko elementuak, hala nola emotikonoak, irudiak, estekak, bideoak edo GIF animatuak. Aurkezpenak irakurleen jakin-mina piztu behar du.

Informazio gehiago

Deialdiaren oinarriak

I. eranskina. Maiz egiten diren galderak eta gomendioak