Urretxindorra proiektua

Mentoretza sozialeko proiektu bat da, unibertsitateko ikasleek ikasturtean zehar Lehen Hezkuntzakoei laguntza emateko pentsatua dagoena. Mentoreek harreman positiboa eraiki behar dute adingabeekin, eta lagundu egin behar diete pertsonalki eta sozialki garatzen. Unibertsitateko ikasleentzat ere aukera ezin hobea da heldutasun eredu positiboa garatzeko.

Proiektuak ekarpena eginen dio elkarrizketa sozial eta kulturalari, topaguneak partekatu ohi ez dituzten errealitate sozial desberdinetako pertsonak eta taldeak harremanetan jarriz.

Mentoretza soziala unibertsitateetan

Nafarroako Unibertsitate Publikoak, Unibertsitate Proiekzioko, Kulturako eta Dibulgazioko Errektoreordetzaren bidez, mentoretza sozialaren aldeko apustua egiten du, esparru horretan garatutako hainbat proiektu biltzen dituzten sareetan parte hartuz.

• Alde batetik, Malmöko Unibertsitatea buru duen Nightingale Mentoring Network sareko kide aktiboa da, zeinak unibertsitateko ikasleekin eta Lehen eta Bigarren Hezkuntzako ikasleekin mentoretza sozialeko proiektuak garatzen dituzten unibertsitateak biltzen baititu.
• Bestetik, Mentoretza Sozialeko Koordinakundeko kidea da, Estatu mailan gureen berdintsuak diren proiektuak garatzen dituzten gizarte erakundeekin eta beste unibertsitate batzuekin batera. Arlo horretan, Nafarroako Unibertsitate Publikoak Mentoretzako Kalitatearen Zigilua eskuratu du.