Iker Salaberri Izko

Irakasle Atxikia, 3. Motakoa

Giza eta Hezkuntza Zientzien Saila

Bulegoa: Iruñeko Campusa, Magnolien Eraikina, 022 gela (beheko solairua)

Iker Salaberrik Euskal Herriko Unibertsitatean ikasi zuen eta bertan ingeles filologian eta aleman filologian lizentziatu zen, bigarren kasuan karrera amaierako lanik onenaren saria jaso zuelarik. Beranduago Hizkuntzalaritza Teorikoko Master titulua jaso zuen, eta azkenik bere ikasketak sajoiera zaharraren, gutxi ikertutako aitzin hizkuntza germaniar baten sintaxiaren inguruko doktorego tesia defendatuz bukatu zituen.

Ikerrek hainbat hilabetetako ikasketa eta ikerketa egonaldiak egin ditu Johann Wolfgang von Goethe Universität-en (Frankfurt am Main, Alemania) eta Universiteit Gent-en (Gante, Belgika), eta bertan hizkuntzalaritzaren arloko ikertzaile entzutetsuekin lankidetzan aritu da. Bere interesek sintaxia, hizkuntza tipologia eta hizkuntzalaritza historikoa barne hartzen dituzte, bai orokorrean eta bai hizkuntza jakinei dagokienez. Gai hauei buruz hainbat ekarpen argitaratu ditu estatu mailako eta nazioarteko argital etxeetan.

Egun Iker 2018tik euskara irakasten aritu den NUPeko Giza eta Hezkuntza Zientzien Saileko irakasle atxikia da. Munduko hainbat hizkuntzaren sintaxiaren eta morfosintaxiaren ikerketan diardu, ikuspegi alderatzaile zein diakronikotik.