Ekonomia zirkularra

AURKEZPENA

Ekonomia zirkularra eredu bat da, garapen jasangarria, jasangarritasuna eta “eraldaketa berdea” lortzeko modua emanen duena. Materialak eta baliabideak ekonomian ahalik eta luzaroen iraunaraztea da eredu horren oinarria, eta ezinbestekotzat jotzen da ekonomia jasangarria izan dadin, karbono emisio gutxikoa, baliabideak modu eraginkorrean erabiltzen dituena, lehiakorra eta ahalik eta hondakin gutxien sortzen dituena. Orain arteko esperientziak erakutsi digu ekonomia zirkularrak, ingurumenari onura ekarri ez ezik, ahalmen handia duela garapen ekonomiko eta soziala bultzatzeko.
Gaur egun, lehengaien eskasia daukagu, ziurgabetasuna hornidurari dagokionez, kostuen gorabehera handia eta ingurumena eta biodibertsitatea arriskuan jartzen dituzten ingurumen arazoak. Horrek desorekak eragiten ditu garapenari, industrializazioari eta demografiari dagokienez hiriguneen eta landa-eremuen artean eta lurraldeen artean eskala batean baino gehiagotan (adibidez, "Ipar Globala" vs "Hego Globala"). Desberdintasunak, gainera, larriagotu egin dira azken urteetako krisialdien ondorioz. Horregatik, garrantzitsua da ulertzea zer esan nahi duen jasangarritasunaren kontzeptuak, eta nolako lotura duen Garapen Jasangarrirako Helburuekin (GJH) eta ekonomia zirkularrarekin.
Azpimarratzekoa da gure inguruan badirela ekonomia zirkularraren adibide baliotsuak, GJHak lortzeko baliagarriak direnak. Beraz, Tokiko Jardunbide Egokiak ezagutzea eta aztertzea modu erraz eta praktikoa da ekonomia zirkularrak zer esan nahi duen jakiteko eta GJHekin nolako lotura duen ulertzeko, garapen jasangarria lortzeko bide gisa.

EMAN IZENA   

HELBURUAK

Ikastaro hau eginez:

• Jasangarritasunaren kontzeptuak zer esan nahi duen ulertuko duzu, eta jakinen duzu nolako lotura duen Garapen Jasangarrirako Helburuekin.
• Ekonomia zirkularraren oinarriak ulertuko dituzu.
• Gure inguruko ekonomia zirkularreko jardunbideen berri izanen duzu eta ulertuko duzu nola laguntzen duten GJHak erdiesten.
• GJHak lortzeko lagungarriak diren ekonomia zirkularreko jardunbidek aztertzen ikasiko duzu.

IRAKASKUNTZA-GIDA

Deskarga ezazu hemen