eskaerak martxoaren 23ra arte
Nafarroako Unibertsitate Publikoak (NUP) bi ikaspostutarako deialdia egin du desgaitasunen bat duten eta 2024-2025 ikasturtean NUPen matrikulatuta dauden ikasleek kanpo praktika akademikoak egin ditzaten.
Bi ikasleek 600na euroko dirulaguntza jasoko dute hilean.
Kanpo praktika akademikoak hainbat tokitan egin daitezke: enpresa handietan, enpresa txiki eta ertainetan, mikroenpresetan, ekonomia sozialeko enpresetan, hirugarren sektoreko erakundeetan eta bestelako instituzio publiko nahiz pribatuetan.
Unibertsitate-Gizarte Fundazioaren Enplegu Arloak eta NUPeko Dibertsitatearen eta Inklusioaren Unitateak kudeatuko dituzte beka hauek.
2025ko martxoaren 23ra arte
NUPeko Erregistro telematikoan eskaera eta dokumentazioa aurkeztu, Unibertsitate Proiekzioko, Kulturako eta Dibulgazioko Errektoreordetzara zuzenduak
2025ko abenduaren 31ra arte egiten ahalko dira praktikak.