Santander Excelencia 360º Beka

Aurkezteko epea: 2025eko maiatzaren 15era arte

HELBURUA
Nafarroako Unibertsitate Publikoko ikasleentzat 1 beka emateko deia “Becas Santander Excelencia 360º” programaren 2025eko deialdiarren barrenean.

• Deialdiaren oinarriak

HARTZAILEAK ETA BETE BEHARREKO BALDINTZAK

Programa honen onuradun izaten ahalko dira Nafarroako Unibertsitate Publikoan 2024-2025 ikasturtean graduko ikasketa ofizialetan matrikulatutako ikasleak, baldin eta honako hiru baldintza hauek betetzen badituzte:

1. Unibertsitateko titulazioa lortzeko beharrezkoak diren kredituen % 75 gutxienez gaindituta izatea 2023-2024 ikasturtea amaitzean.
2. Espediente akademikoan gutxienez 8,50 puntuko batez besteko nota lortu izana, 3. artikuluan ezarritakoarekin bat etorriz. 2023-2024 ikasturtera arte lortutako kalifikazioak bakarrik hartuko dira kontuan (ikasturte hori barne).
3. 2023-2024 ikasturtea bukatu aurretik, unibertsitate zabalpeneko 2 jarduera eginak izatea gutxienez 2022ko azaroaren 3ko 2155/2022 Ebazpenean jasoak daudenetatik.

SARIA

Ikasle onuradunak jasoko duen bekaren zenbatekoa 12.000 eurokoa izanen da.

ESKAERAK AURKEZTEKO FORMA ETA EPEA

Bekarako eskaera aurkezteko, ezinbestekoa izanen da programan izena ematea horretarako sortutako web-esteka honetan: https://www.santanderopenacademy.com/es/index.html

Eskabideak aipatu estekaren bidez emanen dira, eta horiek aurkezteko epea deialdi hau Nafarroako Unibertsitate Publikoaren iragarki ohol elektronikoan argitaratu eta biharamunean hasi eta 2025eko maiatzaren 15ean bukatuko da, eta epe hori ezin izanen da luzatu.

ESKAEREN ZERRENDA: HAUTATUAK, ITXARON ZERRENDAKOAK ETA BAZTERTUAK

• Eskaeren behin-behineko zerrendak: hautatuak, itxaron zerrendakoak eta baztertuak. 2025eko maiatzaren 22a
• Erreklamazioak aurkezteko epea: 2025eko maiatzaren 23tik 29ra
• Esleipendunen behin betiko zerrenda. Beka esleitzeko ebazpena, Ikasleen Gaietarako, Enpleguko eta Ekintzailetzako errektoreordeak onetsiko duena Hautapen Batzordeak formulaturiko behin betiko proposamena oinarri hartuta. 2025eko ekainaren 13ko 14:00ak baino lehen argitaratuko da Unibertsitateko iragarki ohol elektronikoan.