NUPek argitaratu duen liburu batek eboluzioaren teoriaren bidez zientzia eta humanismoa hurbiltzearen aldeko apustua egin du

Andrés Moya Valentziako Unibertsitateko Genetikako katedraduna da lanaren egilea, eta Laetoli argitaletxearekin lankidetzan argitaratu da

“Eboluzioa. Bi kulturen arteko zubia” da Nafarroako Unibertsitate Publikoak Laetoli argitaletxearekin lankidetzan argitaratutako azken liburuaren izenburua. Andrés Moya biologi eta filosofo valentziarrak idatzi du liburua, eta zientzia eta humanismoa hurbildu nahi ditu eboluzioaren teoriaren bidez. Liburu hau “Bi kulturak” bildumako 15. alea da, eta 22 eurotan dago salgai.