Aurkezpena

Herritarrei, Bizikidetzari eta Pluralismoari buruzko UNESCO Katedrak herritartasun osoa lortzeko aukera desberdinak dituzten errealitateei erantzuten die.

Ikuspegi horretatik, “Families, Social Exclusion and Places of Safety” (FSEPS) europar proiektuaren esparruan, jardunaldi honen helburua da gogoeta egitea eta eztabaidatzea zer eginkizun duten baliabide instituzionaletako aisiak eta aisialdiak genero-indarkeriatik bizirik irten diren familiekin egindako esku-hartze sozialean.

Horretarako, hiru bloketan egituratzen da jardunaldia. Lehenik, aisiak errealitate horietan duen garrantziaren inguruko hurbilketa teorikoa. Bigarrenik, proiektuaren ezaugarriak, diagnostikoaren emaitza nagusiak, esku hartzeko programa eta Nafarroan berriki garatu den ebaluazioa aurkeztuko dira. Azkenik, aisia eta astialdia ikuspegi desberdinetatik lantzen dituzten estatu-ekimenak erakutsiko dira.