Aurkezpena

Esku-hartze sozialari buruzko gogoetek garrantzia hartu dute berriro krisiaren eragina dela-eta. Esku-hartze soziala “egonkortu egin da azken hamarkadetan bereziki egoera ahulenean dauden eta botere gutxien duten herritarren errealitatea aldatzera bideratutako ekintza eremu berezi gisa” (Ávila Cantos, Cassián Yde, García García eta Pérez Pérez, 2019). Esku-hartzearen berezitasun «soziala» dela-eta esku-hartzea gauzatzen duten diziplinek erantzukizun handia dute desparekotasunak birsortzen eta boterea banatzen (Gizarte Lana, Gizarte Heziketa, Psikologia Soziala, Soziologia, etab.).Egoera honetan galdera anitz sortzen dira: Zein da (eta izan da) esku-hartze sozialaren zeregina bai kontrol soziala birsortzen eta egonkortzen, bai kontrol soziala eraldatzen? Zein leku betetzen du egun esku-hartzeak logika ekonomiko eta managerialari men egiten dion gobernu neoliberalaren testuinguruan? Hitz egin al dezakegu esku-hartze sozial berriaz, edo beren diskurtso eta praktiken jarraipenaren aurrean gaude?Egoera horretatik, bi helburu ditu jardunaldiak: batetik, esku-hartze sozialaren tentsio eta desafioak zehaztea esku-hartze soziala gauzatzen duten diziplina diferenteen ikuspegitik. Bestetik, jardunean dauden profesionalen ikuspegia gehituz, eraldaketa sozialerako alternatibak eta aukerak proposatzea