Rockzaleok!

NUPeko Liburutegiak proiektu zirraragarri bat du esku artean, eta zu haren parte izatea nahi dugu.

Rockari buruzko espazio bat sortzen ari gara. Zenbait belaunaldi markatu dituen musikan eta haren historian eta kulturan murgildu nahi dugu. Eta, hori lortzeko, zure laguntza behar dugu.

Etxean rockari loturiko liburu, aldizkari, binilo, CD, DVD edo beste edozein materialik baduzu, berrerabil ezazu Liburutegiari dohaintzan emanez.

Ekartzen duzun materialak gure bilduma aberastuko du, eta besteei modua emanen die beren musika-banda eta musikari gustukoenen historia, anekdotak eta sekretuak deskubritzeko.

Zer ematen ahal duzu dohaintzan? Ia dena! Rockari eta haren azpigeneroei buruzko historiak, artisten eta musika-banden biografiak, aldizkari espezializatuen zenbakiak, binilo, CD, kasete eta DVD originalak... baita merchandisinga ere. Guztia izanen da ongi etorria!

Nola egin dohaintza?

Erraz-erraza da: ekarri dohaintzan eman nahi duzuna mailegu-mahaira. Eta, galderarik baduzu, galdetu lasai!

Deitu 948169064 telefonora (08:00etatik 15:00etara) edo idatzi mezu bat helbide honetara: bupna@unavarra.es

Guztion laguntzaz, jarrai dezala rock musikak Liburutegia astintzen!

Volver