Ehun bat lagunek goi sukaldaritzan intsektuak nola erabili ikasi dute NUP-eko “Sukaldariak eta zientzia” zikloaren lehenbiziko saioan

Proposamen gastronomiko garaikideetan produktu berriak nola erabili azaldu zuten Iñigo Ruiz de Escudero irakasleak eta Diego Prado sukaldariak 

Ehun bat lagun izan ziren atzo Nafarroako Unibertsitate Publikoak (NUP) antolatutako “Sukaldariak eta zientzia. Elkarrizketak eta dastaketak” dibulgazio zikloaren lehenbiziko saioan, goi sukaldaritzan intsektuak erabiltzeari buruzkoan. Saio horretan, Iñigo Ruiz de Escudero NUPeko Nekazaritzako Elikagaien eta Landa Ingurunearen Ingeniaritzako Graduko irakasle eta IMAB institutuko kideak eta Diego Prado nazioarteko sukaldariak aztergai izan zuten zer neurritan dauden zientzia eta ikerketa-lana proposamen gastronomiko garaikideen atzean eta zer eginkizun duten intsektuek proposamen horietan. 

Informazio gehiago