Aurkezpena

Nafarroako Unibertsitate Publikoaren Herritarrei, Bizikidetzari eta Pluralismoari buruzko UNESCO Katedrak jardunaldi bat antolatu du ijitoen komunitatearen osasuna sustatzeari eta desparekotasunetik babesteari buruz. Jardunaldiak ijitoen komunitateari eragiten dioten osasun desparekotasunak ezagutzea eta haien inguruan trukeak eta hausnarketak egitea du xede, eta, orobat, aztertzea zein diren arreta soziosanitarioaren esparruko estrategia egokienak berdintasunean aurrera egiteko.

Ijitoen osasunaren esparruko ikerketetan jarraitutako ildoak eta lortutako emaitzak aztertuko dira jardunaldian, baita komunitate horrekin esku hartzerakoan izandako esperientziak ere. Horri esker, osasun ekitatea lortzeko aurrera egiten lagunduko diguten proposamenetan sakontzen ahalko dugu.

Hala, eztabaidarako eta hausnarketarako gune bat sortu nahi dugu, testuinguruan kokatuta. Horretarako, bi mahai antolatu dira eztabaidatzeko eta elkarri esperientzien berri emateko. Lehen mahaian, osasunaren arloko ikerketa esperientziak planteatuko dira: aurrerapenak eta erronkak ijitoen komunitatean. Bigarrenean, ijitoen komunitatearekin izandako esku- hartze soziosanitarioko zenbait jardunbide egoki aurkeztuko dira. Amaitzeko, tarte bat utziko da analisia egin eta azken ondorioak ateratzeko.