Ikuspegia. Energiari buruzko ikuspegia perspektiban

Natalia Zaratiegui (ilustraciones y textos), Joaquín Sevilla (textos) y Mar Rubio (textos).

NUPeko Jakintza eta Kultura Zientifikoa Zabaltzeko Laboral Kutxa Katedrak Natalia Zaratiegui ilustratzaileari egin zion enkargu honen emaitza da “Ikuspegia. Energiari buruzko ikuspegia perspektiban” izeneko liburua: “energiaren arazoak” iradokitzen zionari buruz zuen ikuspuntua garatzea.  Horretarako, behar zituen azalpen eta datu guztiak zituen eskura, adituek emanda.

Liburua hiru partetan dago egituratuta. Lehen partea ingurune naturalean zehar egindako bidaia bat da, fisikaren ikuspegitik honako galdera honi erantzuteko: “zer da energia?”. Bigarren partean, etxe batean egindako ibilbide baten bidez erakusten da nola erabiltzen dugun energia gure ingurune hurbilenean. Azkenik, hirugarren partean hitzik gabeko irudien sekuentzia bat dago. Honako hau da haren izenburua: “Ez dago ekintzarik inpakturik gabe”.

• Gaztelaniaz ere eskuragarri dago: Ikuspegia. Una visión en perspectiva sobre la energía