SINAIko eragileentzako laguntzak lankidetzako I+G-ko proiektuak egiteko.

Proposamenak aurkezteko epea: ekainaren 17ko 10:00ak arte

Onuradunak

Laguntza hauen onuradun izan daitezke Nafarroako I+G+B Sistemaren (SINAI) Erregistroan kategoria hauetan egiaztatutako eragileak:

• Unibertsitateak
• Ikerketa-zentroak
• Zentro teknologikoak
• Enpresako I+G-ko unitateak
• Nafarroako I+G+B Sistemako exekuzio eragileen koordinatzaileak (ADITECH).

Xedea

Funtsezko ikerketako, ikerketa industrialeko eta garapen esperimentaleko proiektuak, ikastegiek egindakoak:

Partzuergo proiektuak, eragileen koordinatzailearen eta gutxienez bi eragileren arteko lankidetza eraginkorraren bidez eginak. Lankidetza eraginkortzat joko da eragile bakar batek ere ez badu proiektuaren aurrekontuaren % 70 baino gehiago eta % 15 baino gutxiago exekutatzen.

Lehentasun tematikoak (Nafarroako espezializazio adimendunaren estrategia (S4)

1. Mugikortasun elektrikoa eta konektatua
2. Elikadura osasungarria eta jasangarria
3. Energia berdearen industria
4. Medikuntza pertsonalizatua
5. Turismo jasangarria
6. Ikus-entzunezko industria
7. Trantsizio ekologikoa
8. Trantsizio digitala

ESKAERAK BARNE MAILAN IZAPIDETZEA:

Parte hartzeko interesa:

Proposamen bat aurkeztu nahi dutenek mezu bat bidali behar dute ekainaren 17ko 10:00ak baino lehen servicio.investigación@unavarra.es, helbide elektronikora deialdian parte hartzeko interesa dutela agertzeko; mezuaren gaian “SINAI 2024. Interesa” jarri behar dute.

Dokumentazioa bidaltzea:

• Partzuergoaren akordioa edo asmoen gutuna, azken berrikuspena egiteko: ekainaren 28ko 10:00ak baino lehen servicio.investigacion@unavarra.es, helbidera, gaian “SINAI 2024. Partzuergoaren akordioa” jarrita.
• Aurrekontuaren Excel inprimakia, haren berrikuspena egiteko, servicio.investigacion@unavarra.es helbidera, gaian “SINAI 2024. Aurrekontua” jarrita. Datak direla eta, bi epe ezarri dira barne mailan:
  • 1. epea: ekainaren 28ko 10:00ak.
  • 2. epea: uztailaren 23ko 10:00ak.
• Memoria teknikoa eta memoria teknikoaren eranskina: ADITECHek zehazten duen data (erabaki gabe).

PROPOSAMENAK PRESTATZEKO INFORMAZIO GARRANTZITSUA.

Diruz lagundu daitezkeen gastuak

• Langile kontratatu berrien gastuak. Langile propioen kostuak ezin izanen dira finantzatu, baina proiektuaren aurrekontuan sartu beharko dira nahitaez, zenbatekoari eta parte-hartzeari buruzko betekizunei dagokienez zenbatu daitezen. 
• Materialen gastuak.
• Proiektuan I+Gko lanak egiten dituzten eta ezagutza teknikoak ematen dituzten kanpoko beste erakunde batzuen kolaborazioen gastuak (ezin da izan dirulaguntzaren xede den gastuaren % 50 baino goragokoa).
• Azpiegitura zientifiko eta tekniko bereziak erabiltzearen ondoriozko gastuak.
• Proiektuarekin zuzenean lotuta dauden eta proiektua gauzatzeko benetan aplikatu diren beste gastu batzuk:
  • Erakundearen berezko arloetako zerbitzuak, betiere gastu horiek memorian behar bezala deskribatzen badira.
  • Proiektuan sortutako patenteen eskaerak.
  • Proiektuaren ondoriozko artikulu zientifikoak modu irekian argitaratzea, betiere egileen artean partzuergoa osatzen duten eragile guztien ikerketa-taldeetako pertsonak badaude, eragileen koordinatzailea izan ezik.
  • Kongresu edo bilera zientifikoetan izena ematea, betiere proiektuaren aurrerapenak, garapenak edo emaitzak aurkezten badira haietan ahozko komunikazio edo poster moduan.
  • Lizentzia informatikoak berritzea.
• Auditoretza-txostenaren kostua.
• Zeharkako kostuak: gehienez ere zuzeneko kostuen % 25.

Diruz lagundu ezin diren gastuak

• Lizentzia informatikoak edo ekipamendua erostea.
• Bidaia gastuak, dieta eta kilometraje gastuak, egonaldi eta lokomozio gastuak, salbu eta I+G proiektuarekin lotura zuzena dutela egiazta badaiteke.

Proiektua gauzatzeko epea

Proiektuek 36 hilabeteko iraupena izan dezakete gehienez, honako aldi hauetan banatuta:

• 2025eko urtarrilaren 1etik 2025eko abenduaren 31ra
• 2026ko urtarrilaren 1etik 2026ko abenduaren 31ra
• 2027ko urtarrilaren 1etik 2027ko abenduaren 31ra

Proiektuaren ikerketa-taldea

• Ikertzaile nagusiaren betekizunak: NUPekiko lotura izatea proiektuak irauten duen denbora osoan. Betetzen ez bada, ezinbestekoa izanen da ikerketa-taldean hori betetzen duen gutxienez ikertzaile batek parte hartzea, eta hark proiektuaz arduratzeko konpromisoa hartzea.
• Beste proiektu espezifiko batzuen kontura kontratatutako ikertzaileak ezin izanen dira ikerketa-taldeko kide izan.
• Irakasle elkartuek ezin izanen dute proiektuaren ikerketa-taldean parte hartu; izan ere, unibertsitatearekin sinatutako kontratuaren xede bakarra irakaskuntza da.