NUPeko errektoreen galeria biobibliografikoa

Errektoreak


Juan García Blasco

Zaila da testu labur batean laburtzea Lanaren eta Gizarte Segurantzaren Zuzenbideko katedradun eta Nafarroako Unibertsitate Publikoko errektore ohiaren lan zientifikoa.

García Blasco doktorearen jakintza arloan etengabe egiten dira lege aldaketak, eta artikulu edo iruzkin exegetikoak eta ez dogmatikoak egiteko arriskua dakar horrek.

Bere ekoizpen zientifikoa aztertzen badugu, hiru monografia dituela ikusiko dugu: doktoretza-tesia, Unibertsitateko katedradun bihurtu zenean argitaratu zen monografia, eta 1993an argitaratutakoa. Argitaletxeak garrantzitsuak dira bere diziplina zientifikoaren esparruan. Lan kolektiboetan lan ugari eta denboran jarraituak egin ditu. Nabarmentzekoa da Langileen Estatutuaren Testu Bateginari (2011) egindako legegintzako iruzkinak. Nabarmentzekoa da, halaber, liburu-omenaldietan izan duen parte-hartzea.

Gai honetan gertatzen denez, aldizkarietako artikulu ugari egin ditu goresgarria den jarraikitasunarekin. Artikuluetan bere ikerketa lerroetako gai nagusiak aztertzen dira, eta lan esparruan izan diren lege aldaketara egokitutako eratorpen logikoak egiten dira.

Bidezkoa da, bere lan osoa kontuan hartuta txikia bada ere, alboko bi gai aipatzea: batetik, egilekidetzan egindako artikuluak, eta, bestetik, aldizkari autonomikoetako artikuluak.

Azkenik, errektore izan zen garaia laburra baina egitekoz betea izan zen: demokratikoki hautatu zuten lehenengo errektorea izan zen, eta bere agintaldian lehenengo Estatutuak onetsi ziren.

Itzuli galeriara