Autokontrola, estresaren kudeaketa eta ikuspegi positiboa

AURKEZPENA

Parte-hartzaile bakoitzak duen lanbidean aritzearekin erlazioa duten gaitasun eta trebetasun profesionalak indartzea eta garatzea du helburutzat prestakuntzarako ibilbide honek.

Zer alde dago profesional on baten eta beste edozeinen artean?

Begi bistakoa da ezinbesteko betebeharrak direla prestakuntza teknikoa eta esperientzia, baina kasu errealak kontuan hartuz, hauek dira era esponentzialean balioa ematen diotenak profesional bati: nola aritzen den, nolako harremanak dituen lankideekin, bezeroekin, hornitzaileekin, nola mintzatzen den, nola erabakitzen duen, nola kudeatzen dituen problemak... 

Azken finean nola garatu dituen bere gaitasun pertsonalak eta sozialak.

Trebetasun horiek, ordea, ez dizkigute ohi denez irakatsi gure prestakuntzako urteetan, eta geure eredu eta esperientzia pertsonaletan oinarritzen ditugu. Hala ere, inteligentzia emozionala oinarritzat hartzen duten korronte zientifiko eta humanistiko berrien arabera, gaitasunak entrenatu eta garatu egin daitezke.
Prestakuntza honen oinarria da jakintza hori eta tresna horiek ematea parte-hartzaileei, beren lanean duten balioa eta gogobetetasuna handitzeko eta beren erakundeen errendimendua hobetzeko.

EMAN IZENA   

ELBURUAK

Ibilbide honetan sakondu egin nahi da garapen profesional onerako eta bizitzan ongi garatzeko behar diren gaitasunetan.

Helburu orokorrak

1.- Hausnarketa egitea gaitasun pertsonal hauei buruz, eta gaitasun horiek eta lan munduan duten balioa analizatzea:

• Autokontrola
• Estresaren kudeaketa
• Ikuspegi positiboa

2.- Banan-banan proposatzea zein diren hobetzeko puntuak.

Helburu espezifikoak

• Nolakoa naizen ikastea eta nire baliabide pertsonalak ezagutzea.
• Emozioa zer den eta emozio motak zein diren ikastea.
• Emozio horiek kudeatzeko gaitasuna garatzea.
• Ikuspegi positiboa eta erresilientzia ezagutzea.
• Konturatzea nolakoak diren nire interpretazioak eta nolako eragina duten nire jokabideetan.
• Ikuspegi positiboa lantzen ikastea.
• Estresa zer den eta zein iturrik sortzen duten ezagutzea.
• Kontzientzia hartzea nolakoak diren nire mekanismoak estres egoeretan.
• Estresa behar den bezala kudeatzea.

PROGRAMA

1.- Autokontrola

• Zer da kontrol emozionala?
• Emozioen garrantzia
• Autokontrola eta kudeaketa emozionala
• Kontrol emozionala izatea eragozten duten ideia irrazionalak
• Kontrol emozionala hezteko jarraibideak

2.- Estresaren kudeaketa

• Zer den estresa
• Zergatik den problema
• Esku hartzeko teknikak
• Aztura osasungarriak
• Estrategiak

3.- Ikuspegi positiboa

• Zer da eta nola landu ikuspegi positiboa?
• Aprendizaren espiritua
• Berrinterpretatzen ikastea
• Erresilientzia
• Arrakastak ospatzea

METODOLOGIA

Esperientziazko dinamiketan eta taldeko coaching izenekoaren bidezko laguntzan oinarritzen da funtsean. Apunte teorikoak ematen dira, bai eta tresna praktikoak ere (bideoak, kasu errealak, testak, etab.), garatu beharreko gai bakoitzari buruzkoak, parte-hartzaileek ulertzeko ingurune egokia izan dezaten.
 

IRAKASLEAK

- Carolina Matellanes Marcos
Unibertsitate-Gizarte Fundazioko Talentuaren Garapenerako irakaslea.

IRAUPENA: 10 ordu.
EGUN-ORDUAK: ikusi egutegia HEMEN
IKASGELA: Sario eraikina.