Universidad Pública de Navarra - Nafarroako Univertsitate Publikoa
Nafarroako Unibertsitate Publikoa
| Kodea: 311744 | Irakasgaia: ESKOLA-PRAKTIKAK 2: GORPUTZ HEZKUNTZA | ||||
| Kredituak: 15 | Mota: Kanpo praktikak | Ikasmaila: 4 | Iraupena: 2º S | ||
| Saila: | |||||
| Irakasleak: | |||||
| NAVARRO AMEZQUETA, ION [Tutoretzak ] | MARTINEZ LABARI, CRISTINA [Tutoretzak ] | ||||
| BARBAJERO ARIAS, IÑAKI [Tutoretzak ] | OSCOZ OCHANDORENA, SERGIO [Tutoretzak ] | ||||
Deskripzioa/Edukiak
- Programazioa, estrategiak eta baliabideak Gorputz Heziketan.
- Gorputz Heziketako irakaskuntza-ikaskuntza prozesua ebaluatzea eta orientatzea, diagnostikoak egiteko, programak ebaluatzeko eta erabakiak hartzeko
Gaitasun orokorrak
2.1 Oinarrizko gaitasunak
OG2 - Ikasleek beren ezagutzak beren lanetan edo bokazioetan modu profesionalean aplikatzen jakitea, eta beren ikasketa arloaren barruan arrazoiak prestatzearen eta defendatzearen bidez, eta problemen ebazpenaren bidez demostratzen diren gaitasunak edukitzea.
OG3 - Ikasleek (normalean beren ikasketen arloko) datu aipagarriak bildu eta interpretatzeko gaitasuna izatea, arlo sozial, zientifiko edo etikoari buruzko gai aipagarrien gaineko gogoeta hartuko duten iritziak emateko.
OG4 - Ikasleak, bai jende espezializatuari eta bai espezializatu gabeari, informazioa, ideiak, arazoak eta konponbideak jakinarazteko gauza izatea.
2.2. Gaitasun orokorrak
GO1 - Haur Hezkuntzako helburuak, curriculum edukiak eta ebaluazio-irizpidea ezagutzea.
GO4 - Ikasgelan eta hortik kanpora bizikidetza sustatzea, eta gatazkak modu baketsuan konpontzeari ekitea. Ikasketa eta bizikidetza testuinguruak sistematikoki behatzen jakitea, eta haiei buruz gogoeta egiten jakitea.
GO5 - Taldean hausnartzea arauak onartzeari buruz eta besteenganako errespetuari buruz. Sustatzea ikasle bakoitzaren autonomia eta singulartasuna, lehen haurtzaroan emozioak, sentimenduak eta balioak hezteko faktoreak diren aldetik.
GO7 - Informazio eta komunikazioaren teknologiek hezkuntzan duten inplikazioa ezagutzea, eta bereziki telebistak lehen haurtzaroan duena.
GO9 - Haur Hezkuntzako ikastetxeen antolaketa eta bere funtzionamenduaren barruan sartzen diren jarduerak ezagutzea. Irakaslana hobetu eta bizi osoan zehar gertatzen diren aldaketa zientifiko, pedagogiko eta sozialetara egokitu behar dela onartzea.
GO11 - Ikasgelako praktikei buruz gogoeta egitea, irakaskuntza berritu eta hobetzeko. Azturak eta trebetasunak eskuratzea ikasketa autonomo eta kooperatiborako, eta ikasleen artean sustatzea.
GO12 - Gaurko gizartean hezkuntzaren funtzioa, aukerak eta mugak zeintzuk diren ulertzea, eta haur hezkuntzako ikastetxeak eta beren profesionalak ukitzen dituzten oinarrizko gaitasunak zeintzuk diren ulertzea. Ikastetxeetan aplikagarriak diren kalitatea hobetzeko ereduak ezagutzea.
2.3. Zeharkako gaitasunak
ZG2 - Hizkuntza gaitasuna frogatzea gaztelaniaz, edo, hala badagokio, euskaraz, Europako Kontseiluaren "Hizkuntzen Erreferentziako Europako Esparru Komuna: ikastea, irakastea, ebaluazioa" delakoaren araberako C1 mailaren parekoa.
Berariazko gaitasunak
GE1 - Haur Hezkuntzaren helburuak, curriculum-edukiak, antolaketa, metodologia eta ebaluazio-irizpideak ezagutzea.
GE2 - Lehen haurtzaroko ikasketak dimentsio kognitibo, emozional, psikomotore eta bolitiboak batzen dituen ikuspegi globalizatzaile eta integratzaile batetik sustatzea.
GE3 - Diseinatzea ikasteko espazioak dibertsitatearen, kulturaniztasunaren eta eleaniztasunaren testuinguruetan, arretaz hartuz ikasle bakoitzaren hezkuntza beharrak, genero berdintasuna, ekitatea eta giza eskubideentzako errespetua.
GE4 - Ikaskuntzako eta eskola bizikidetzako testuinguruei buruz gogoeta egitea. Behaketa sistematikoa egiten jakitea, ongi egindako lana baliozkotzea, arauak onartzea eta besteak errespetatzea.
GE5 - Ikasgelako praktikei buruz gogoeta egitea, berrikuntza sustatzeko. Azturak eta trebetasunak eskuratzea ikasketa autonomo eta kooperatiboa ikasleen artean sustatzeko, eta kalitatea kudeatzeko ereduak ezagutzea.
GE6 - Haurtzaroaren aldian hizkuntzak duen bilakaera ezagutzea eta egon daitezkeen disfuntzioak identifikatzea. Hizkuntzaren garapena sustatuko duten teknikak hartzea, ahoz eta idatziz azalpenak ematea eta adierazpen teknika desberdinak menderatzea.
GE7 - Informazioaren eta komunikazioaren teknologiek hezkuntzan duten inplikazioa ezagutzea.
GE8 - Arreta goiztiarraren funtsak, oinarrizko prozesu psikologikoen funtzionamendua, ikasketaren gakoak eta nortasunaren eraikuntza ezagutzea, eta higienearen eta dietetikaren funtsak haurtzaroan ezartzea.
GE9 - Haur hezkuntzako ikastetxeen antolaketa ezagutzea, eta bere funtzionamendua, hezkuntza komunitatearen eta gizarte inguruaren sektore batzuen laguntzarekin.
GE10 - Lankidetza, bizikidetza, motibazioa eta ikasteko nahia sustatzea, ikastetxeko proiektuetan aktiboki parte hartzea eta familiekiko harremanak zaintzea.
GE11 - Harreman kritikoa eta autonomoa edukitzea, hezkuntzan inplikatutako jakintzei, balioei eta erakundeei buruz.
GE12 - Era aktiboan antolatzea Lehen Hezkuntzakoak diren edukien irakaskuntza eta ikaskuntza prozesuak, gaitasunak garatzeko ikuspegi batetik.
Ikasketaren emaitzak
Ikasketaren emaitzak zehazten dira, batez ere, aldez aurretik lortu diren gaitasunak eskolan egoki eta eraginkor martxan jartzen direnean. Hala badagokio, egindako jarduerari buruzko adierazpenean ere ikusiko da. Hiru maila ezartzen dira:
- Ezin hobea: Unibertsitateko eta ikastegiko irakasleek ziurtatzen dute, zalantzarik gabe, tituluari dagozkion gaitasun pedagogikoak eta diziplinakoak martxan jarri direla, eta gehienetan maisutasuna erakusten dela.
- Erdi mailakoa: Unibertsitateko eta ikastegiko irakasleek ziurtatzen dute, zalantzarik gabe, tituluari dagozkion gaitasun pedagogikoak eta diziplinakoak martxan jarri direla, eta gehienak lortu direla, ezagutza pedagogikoetan eta diziplinakoetan defizitak badira ere; alabaina, defizit edo ments hauek zuzendu daitezke praktika profesionalarekin, ikastetxeetan integratzearekin eta aparteko arduraldiarekin; eta uste izatekoa da hori lor daitekeela praktikak egiten direnetik gradua lortu arte doan denboran.
- Eskasa: gaitasun falta irakaslana egiteko, eta ments nabarmenak, oro har, zuzendu ezin daitezkeenak aparteko arduraldiarekin, praktikak egiten direnetik gradua lortu arte doan denboran.
Ikasle batek GAI kalifikazioa lortzen du ikaskuntza maila ezin hobea edo erdi mailakoa baldin bada.
Metodologia
5.1. Irakas metodologiak
| Kodea | Deskribapena |
| 4. IM | Elkarreragina talde txikian. |
| 5. IM | Banakako elkarreragina: ikasketa autonomorako egitekoak eta jarraibideak. |
5.2 Jarduera hezigarriak
| Kodea | Deskribapena | Orduak | Izaera presentziala |
| 1. JH | Eskola teorikoak (funtsatzea, adibidez adieraztea, aplikazio kontrastatuak eta garapenak) | 10 | 100 |
| 2. JH | Eskola praktikoak, edo, hala badagokio, kanpo praktikak (landa-praktikak). | 300 | 100 |
| 3. JH | Lanak egitea, eta, hala badagokio, ahozko defentsa. | 60 | 10 |
| 5. JH | Tutoretzak | 5 | 100 |
Ebaluazioa
| Ikaskuntzaren emaitzak | Ebaluazio jarduera | Pisua (%) | Errekupera garria | Gutxieneko nota |
| IE1 | Ikastetxera joatea eta parte-hartzea | 60 | Ez | *Azken nota gutxienekoa = 5/10 |
| IE2- IE 3 | PRAKTIKETAKO TXOSTENA (kasgelaren testuinguruan ikasleekin behatutako eta/edo garatutako ebaluazio, metodologia eta esku-hartze-proposamenei buruzko lana) | 40 | Bai | **Azken nota gutxienekoa = 5/10 |
*5 baino gutxiagoko nota ateratzen bada ebaluazio-eskalan 1. Jarrerak atalean, irakasgaia ez gainditutzat emanen da.
** NUPeko ebaluazio-prozesuak arautzen dituen araudia"-ren 34. art. 3. puntuaren arabera, plagioa atzematen duen lan orotan irakasgaian "Ez gainditua" kalifikazioa ezarriko da. Ezin izanen da Txostenaren zatia berreskuratu plagioa izanez gero, eta Praktiketako irakasgai osoa ez gainditutzat hartuko da.
Gai-zerrenda
1. Antolaketa, ikastetxearen testuinguru soziologikoa eta haren funtzionamendu integratua.
2. Irakas eginkizuna: Gorputz Heziketaren programazioa, estrategia metodologikoak eta baliabide didaktikoak.
3. Gorputz Heziketaren ikas-irakas prozesuaren ebaluazioa eta orientabideak.
4. Norbanakoaren eta taldearen garapena eskolaren testuinguruan.
5. Behaketa ikasgelan edota kiroldegian eta dagokion etaparen jardunaren analisia, beti ere, ikastetxe publiko eta itunpekoetan, arreta berezia jarrita Gorputz Hezkuntzari buruzko alderdietan.
6. Gorputz Hezkuntzako irakaskuntza eta ikaskuntza saioak prestatzea.
7. Gorputz Hezkuntza ikasteko prozesuetan irakaskuntza jarduera abiaraztea eta baloratzea.
Bibliografia
Sar zaitez irakasleak liburutegiari eskatu dion bibliografian.
Oinarrizko Formakuntzako materien irakasgai bakoitzean zehaztutako erreferentziak (Hezkuntza, Psikologia eta Soziologia), gehi Formakuntza Didaktikoan eta Diziplinarrean jasotzen direnak (Gorputz Heziketa).
Hizkuntzak
Euskara / Gaztelania. Nazioarteko mugikortasun-programetan: helmugako herrialdeko berezko hizkuntza.
Non emango den
Nafarroako Unibertsitate Publikoko Arrosadiko campusean. Zer ikasgelatan izango den jakiteko, begiratu Giza, Gizarte eta Hezkuntza Zientzien Fakultatearen web-orrialdean.