Universidad Pública de Navarra - Nafarroako Univertsitate Publikoa
Nafarroako Unibertsitate Publikoa
| Kodea: 306891 | Irakasgaia: GRADU AMAIERAKO LANA LEHEN HEZKUNTZAN | ||||
| Kredituak: 12 | Mota: | Ikasmaila: 5 | Iraupena: 2º S | ||
| Saila: | |||||
| Irakasleak: | |||||
| SAENZ ABARZUZA, IGOR (Resp) [Tutoretzak ] | |||||
Deskripzioa/Edukiak
Graduan zehar eskuratutako prestakuntza guztiaren laburpena, ECI/3857/2007 Agindua betez. Agindu horrek, "Practicum" moduluan, honako gaitasun hauek lortu behar direla ezartzen du, Gradu Bukaerako Lana (GBL) barne:
" Ikasgelaren eta haren kudeaketaren ezagutza praktikoa eskuratzea. Ikasgelan elkarrekintza- eta komunikazio-prozesuak ezagutzea eta aplikatzea, eta ikaskuntza eta bizikidetza erraztuko dituen ikasgelako giroa sustatzeko beharrezkoak diren trebetasun eta trebetasun sozialak menderatzea. Hezkuntza-prozesuaren kontrola eta jarraipena egitea, eta, bereziki, irakaskuntza-ikaskuntzarena, beharrezko teknikak eta estrategiak menderatuz. Teoria eta praktika ikasgelako eta ikastetxeko errealitatearekin lotzea. Irakaskuntzan parte hartzea eta praktikatik egiten, jarduten eta hausnartzen jakitea. Ikastetxe batean ezar daitezkeen jarduera-eremuetako hobekuntza-proposamenetan parte hartzea. 6-12 urteko ikasle-taldeetan elkarrekintza- eta komunikazio-prozesuak arautzea. Hezkuntza-komunitateko eta gizarte-inguruneko sektoreekin lankidetzan aritzeko moduak ezagutzea. Gaitasun horiek, gainerako ikasgaiei dagozkienekin batera, deskribatutako irakaskuntza guztietan eskuratutako prestakuntza konpentsatzen duen gradu amaierako lanean islatuko dira."
Gaitasun orokorrak
Oinarrizko gaitasunak
OG1. Ikasleek bigarren hezkuntza orokorreko oinarritik abiatzen den ikasketa-arlo batean ezagutzak dituztela eta ulertzen dituztela frogatu izatea, eta nahiz eta testu-liburu aurreratuetan laguntza bilatu, beren ikasketa-alorreko abangoardiatik datozen ezagutzak dauzkatela adierazten duten zenbait alderdi kontrolatzeko mailan daudela frogatzea.
OG2. Ikasleek beren ezagutzak beren lanetan edo bokazioetan modu profesionalean aplikatzen jakitea, eta beren ikasketa arloaren barruan arrazoiak prestatzearen eta defendatzearen bidez, eta problemen ebazpenaren bidez demostratzen diren gaitasunak edukitzea.
OG3. Ikasleek (normalean beren ikasketen arloko) datu aipagarriak bildu eta interpretatzeko gaitasuna izatea, arlo sozial, zientifiko edo etikoari buruzko gai aipagarrien gaineko gogoeta hartuko duten iritziak emateko.
OG4. Ikasleek, bai jende espezializatuari eta bai espezializatu gabeari, informazioa, ideiak, arazoak eta konponbideak jakinarazteko gauza izatea.
OG5. Ikasleek geroko ikasketak autonomia maila handiarekin hasteko beharrezkoak diren ikasketarako abileziak garatu izatea.
Gaitasun orokorrak
GO1. Haur Hezkuntzako helburuak, curriculum edukiak eta ebaluazio-irizpideak ezagutzea.
GO2. Lehen haurtzaroan ikaskuntzak sustatzea eta ahalbidetzea, alderdi kognitibo, emozional, psikomotor eta nahimenezkoen ikuspegi globalizatzaile eta integratzaile batetik.
GO3. Diseinatzea eta erregulatzea ikasteko espazioak dibertsitatearen testuinguruetan, arretaz hartuz ikasle bakoitzaren hezkuntza beharrak, genero berdintasuna, ekitatea eta giza eskubideentzako errespetua.
GO4. Ikasgelan eta hortik kanpora bizikidetza sustatzea, eta gatazkak modu baketsuan konpontzeari ekitea. Ikasketa eta bizikidetza testuinguruak sistematikoki behatzen jakitea, eta haiei buruz gogoeta egiten jakitea.
GO5. Taldean hausnartzea arauak onartzeari buruz eta besteenganako errespetuari buruz. Sustatzea ikasle bakoitzaren autonomia eta singulartasuna, lehen haurtzaroan emozioak, sentimenduak eta balioak hezteko faktoreak diren aldetik.
GO6. Hizkuntzaren bilakaera ezagutzea lehen haurtzaroan, egon daitezkeen disfuntzioak ezagutzea eta haren bilakaera egokia zaintzea. Eraginkortasunez aztertzea hizkuntzen ikasketa-egoerak testuinguru kulturaniztun eta eleaniztunetan. Ahoz eta idatziz azalpenak ematea eta adierazpen teknika desberdinen erabilera menderatzea.
GO7. Informazio eta komunikazioaren teknologiek hezkuntzan duten inplikazioa, eta bereziki telebistak lehen haurtzaroan duena.
GO8. Haurren dietetikaren eta higienearen hastapenak ezagutzea. Laguntza goiztiarraren hastapenak eta lehen haurtzaroko prozesu psikologikoak, ikaskuntza prozesuak eta nortasunaren eraikuntzari buruzkoak ulertzen laguntzen duten oinarri eta garapenak ezagutzea.
GO9. Lehen hezkuntzako ikastetxeen antolaketa eta bere funtzionamenduaren barruan sartzen diren jarduerak ezagutzea. Irakaslana hobetu eta bizi osoan zehar gertatzen diren aldaketa zientifiko, pedagogiko eta sozialetara egokitu behar dela onartzea.
GO10. Gurasoen orientatzaile gisa aritzea 0-6 urte bitarteko eperko familia hezkuntzari buruzko gaietan, eta ikasle bakoitzaren familiarekin nola familia guztiekin harremanak garatzeko gizarte-trebetasunak edukitzea.
GO11. Ikasgelako praktikei buruz gogoeta egitea, irakaskuntza berritu eta hobetzeko. Azturak eta trebetasunak eskuratzea ikasketa autonomo eta kooperatiborako, eta ikasleen artean sustatzea.
GO12. Gaurko gizartean hezkuntzaren funtzioa, aukerak eta mugak zeintzuk diren ulertzea, eta haur hezkuntzako ikastetxeak eta beren profesionalak ukitzen dituzten oinarrizko gaitasunak zeintzuk diren ulertzea. Ikastetxeetan aplikagarriak diren kalitatea hobetzeko ereduak ezagutzea.
Zeharkako gaitasunak
ZG1. Ingelesez, frantsesez, alemanez edo italieraz Europako Kontseiluaren "Hizkuntzen Erreferentziako Europako Esparru Komuna: ikaskuntza, irakaskuntza eta ebaluazioa"ren B1 mailako gaitasun linguistikoa erakustea.
ZG2. Gaztelaniaz, edo, hala badagokio, euskaraz Europako Kontseiluaren "Hizkuntzen Erreferentziako Europako Esparru Komuna: ikaskuntza, irakaskuntza eta ebaluazioa"ren C1 mailako gaitasun linguistikoa erakustea.
Berariazko gaitasunak
BG1. Haur Hezkuntzaren helburuak, curriculum-edukiak, antolaketa, metodologia eta ebaluazio-irizpideak ezagutzea.
BG2. Lehen haurtzaroko ikasketak dimentsio kognitibo, emozional, psikomotore eta bolitiboak batzen dituen ikuspegi globalizatzaile eta integratzaile batetik sustatzea.
BG3. Diseinatzea ikasteko espazioak dibertsitatearen, kulturaniztasunaren eta eleaniztasunaren testuinguruetan, arretaz hartuz ikasle bakoitzaren hezkuntza beharrak, genero berdintasuna, ekitatea eta giza eskubideentzako errespetua.
BG4. Ikaskuntzako eta eskola bizikidetzako testuinguruei buruz gogoeta egitea. Behaketa sistematikoa egiten jakitea, ongi egindako lana baliozkotzea, arauak onartzea eta besteak errespetatzea.
BG5. Ikasgelako praktikei buruz gogoeta egitea, berrikuntza sustatzeko. Azturak eta trebetasunak eskuratzea ikasketa autonomo eta kooperatiboa ikasleen artean sustatzeko, eta kalitatea kudeatzeko ereduak ezagutzea.
GE6. Haurtzaroaren aldian hizkuntzak duen bilakaera ezagutzea eta egon daitezkeen disfuntzioak identifikatzea. Hizkuntzaren garapena sustatuko duten teknikak hartzea, ahoz eta idatziz azalpenak ematea eta adierazpen teknika desberdinak menderatzea.
BG7. Informazioaren eta komunikazioaren teknologiek hezkuntzan duten inplikazioa ezagutzea.
BG8. Arreta goiztiarraren funtsak, oinarrizko prozesu psikologikoen funtzionamendua, ikasketaren gakoak eta nortasunaren eraikuntza ezagutzea, eta higienearen eta dietetikaren funtsak haurtzaroan ezartzea.
BG9. Haur hezkuntzako ikastetxeen antolaketa ezagutzea, eta bere funtzionamendua, hezkuntza komunitatearen eta gizarte inguruaren sektore batzuen laguntzarekin.
BG10. Lankidetza, bizikidetza, motibazioa eta ikasteko nahia sustatzea, ikastetxeko proiektuetan aktiboki parte hartzea eta familiekiko harremanak zaintzea.
BG11. Harreman kritikoa eta autonomoa edukitzea, hezkuntzan inplikatutako jakintzei, balioei eta erakundeei buruz.
BG12. Era aktiboan antolatzea Lehen Hezkuntzakoak diren edukien irakaskuntza eta ikaskuntza prozesuak, gaitasunak garatzeko ikuspegi batetik.
Ikasketaren emaitzak
Ikasleak irakasgaian hartu behar dituen gaitasunak zehaztea da Ikasketaren emaitza. Hiru maila ezartzen dira:
- Ezin hobea: gaitasunen % 100 hartzea, eta maisutasuna gaitasunen % 75etan gutxienez ere.
- Erdi mailakoa: irakasgaiaren bidez lortu nahi diren gaitasun gehienak hartzea, eta maisutasuna tituluaren gaitasun espezifikoei dagozkien gaietan.
- Eskasa: tituluaren gaitasun espezifikoei dagozkien gaiak behar adina ez hartzea.
Ikasle batek GAI kalifikazioa lortzen du ikaskuntza maila ezin hobea edo erdi mailakoa baldin bada.
Metodologia
1. Irakas metodologiak
| Kodea | Azalpena |
| MD4 | Elkarrekintza talde txikian |
| MD5 | Banakako interakzioa: azterketa autonomorako atazak eta jarraibideak |
2. Jarduera hezigarriak
| Kodea | Jarduera formatiboa | Orduak | Presentzialtasuna |
| AF3 | Lanak egitea eta, hala badagokio, ahozko defentsa | 280 | 0,3 |
| AF5 | Harrera orduak (Tutorego orduak) | 20 | 100 |
Ebaluazioa
| Ikaskuntzaren emaitza | Ebaluazio-sistema | Pisua (%) | Gutxieneko nota |
| Tituluari dagozkion gaitasunak erdi- edo goi-mailako maila batean eskuratzea | GBLren elaborazioa eta defentsa | 100 |
5/10 |
Gai-zerrenda
GBL bakoitzaren modulura, eremura eta orientaziora egokituta.
A) Moduluaren eremuak:
A1) Oinarrizkoa: Pedagogia, Psikologia edo Hezkuntzaren Soziologia.
A2) Diziplinakoak: Hizkuntza, Atzerriko Hizkuntza, Matematika, Natura eta Gizarte Ingurunearen Ezagutza edo Plastika, Musika eta Gorputz Hezkuntza.
B) Orientazioa: lan teorikoa edo praktikoa.
Fakultateko web orrian GBLa egiteko txantiloi bat dago, formari eta funtsari buruzko alderdiak garatzen dituena:
http://www.unavarra.es/fac-humanasysociales/trabajos-fin-de-estudios/trabajos-fin-de-grado
Bibliografia
Sar zaitez irakasleak liburutegiari eskatu dion bibliografian.
Oinarrizko prestakuntzako (Hezkuntza, Psikologia eta Soziologia) eta prestakuntza didaktikoko eta diziplinarreko (Hizkuntza, Atzerriko Hizkuntza, Matematika, Natura eta Gizarte Ingurunearen Ezagutza, Adierazpen plastikoa, musikala eta Gorputz Hezkuntza) irakasgaietan emandako erreferentziak.
Non emango den
Nafarroako Unibertsitate Publikoko Arrosadiko campusean. Zer ikasgelatan izango den jakiteko, begiratu Giza, Gizarte eta Hezkuntza Zientzien Fakultatearen web-orrialdean.