Camino Oslé Guerendiáin (Iruñea, 1944) Gizarte Laneko diplomaduna da, lizentziaduna eta doktorea Pedagogian, eta masterduna Gizarte Gerontologian.

Nafarroako Unibertsitate Publikoko irakaslea da 1991. urteaz geroztik, eta lehenago, 1988. urtetik hasita, antzinako Gizarte Laneko eskolako irakaslea izan zen. Bere irakaslana Gizarte Laneko Diplomaturan egin du gehienbat, baina eskolak ematen ditu, halaber, doktoretza programan eta Sailaren graduondoko programa ofizialean, eta 2005. urtera arte, Gerontologian Aditua tituluan. Aldi berean, 2004-2005 ikasturtetik aurrera, Gizarte Laneko irakasle tutorea da Urrutiko Hezkuntzaren Unibertsitate Nazionalean.

Bere ikerketa lana bi lerrotara bideratu du nagusiki: adinekoak --zahartzea eta mendekotasuna-- eta gizarte ekintzaren historia. "Alter: Análisis de problemas sociales y diseño de alternativas" izeneko ikerketa taldeko kidea da; taldearen arduradun nagusia Miguel Laparra Navarro irakaslea da. Nafarroako Gobernuko Gizarte Ongizate Departamentuaren aginduz, Nafarroako I. Plan Gerontologikoa (2002-2004. urteak) berrikusteko txosten teknikoaren idazketa zuzendu zuen. Halaber, zaharrak zaintzeari buruzko liburuetan eta, zehazki, zaharretxeak finantzatzeari buruzko liburuetan argitaratu dizkioten hainbat ikerketaren egilea edo egile-kidea da. Horretaz gainera, Iruñeko Erruki Etxeari buruzko argitalpenen egilea da, eta entitate horretako Batzordeko kidea. Geriatria eta Gerontologiako Nafarroako eta Espainiako elkarteetako kidea da, baita ere.

Irakaskuntzako kudeaketari dagokionez, Gizarte Laneko Saileko zuzendaria izan da 5 urtez, eta orain ere bada; lehenago, bi urtez, Giza eta Gizarte Zientzien Fakultateko idazkaria izan zen. Bestalde, Gizarte Laneko titulazioa ematen duten 31 unibertsitateen Ikastegi eta Sailetako Zuzendarien Konferentziako burua da.