Unibertsitate komunitateko ordezkaritza-erakunde gorena da. Unibertsitatearen bizitzaren esparru desberdinetako jardueraren jarraibide orokorrak onestea eta Unibertsitatearen kudeaketa ikuskatzea dira haren eginkizunak.

Honako hauek osatzen dute: Errektorea, Klaustroburua dena eta 150 klaustrokide; horietatik 81 Unibertsitateko Irakaskidegoetako irakasleak dira, 26 irakasle ez doktore eta kontratupekoak dira, 31 ikasleak eta 12 administrazio eta zerbitzuetako langileak.

Klaustroaren eginkizunen artean Estatutuak egin eta berritzearena dago, errektorea hautatzea eta kargugabetzea, eta bereziki irakaskuntza, ikerketa eta administrazioaren eremuetan Unibertsitatearen jardunerako jarraibide orokorrak onestea.

Unibertsitatearen sektoreen bitartez, gizarteak Unibertsitatearen gobernamendu eta administrazioan parte hartzeko erakunde kolegiatua da.

Hogei kidek osatzen dute: hamabi unibertsitatetik kanpokoak, eta zortzi unibertsitatekoak, hain zuzen ere, hauek: Errektorea, Idazkari Nagusia, Kudeatzailea, eta Gobernu Batzordearen bost kide.

Unibertsitatetik kanpoko kideak honakook dira: Nafarroako Parlamentuak izendatutako bost, Nafarroako Gobernuak izendatutako lau eta sindikatu eta erakunde garrantzizkoenek izendatutako hiru.

Gizarte Kontseiluak eginkizun garrantzitsuak dauzka ekonomia gaietan. Izan ere, aurrekontuak onartzea dagokio, baita Unibertsitatearen urteanitzeko programazioa ere, eta gainbegiratu egin behar ditu ekonomiarekin zerikusirik duten Unibertsitatearen iharduerak, eta bere zerbitzuen errendimendua. Beste eginkizunetako bat da Unibertsitatea finantzatzeko gizartearen laguntza sustatzea.