Unibertsitatean hogei titulazio erdiets daitezke orotara. Bakoitzak badu ofizialki onetsitako Ikasketa Plana, eta gerta daiteke Ikasketa Plan berriarekin batera kendu beharreko zaharra ere egotea.

Ikasketak bost ikastegitan antolatzen dira: Giza eta Gizarte Zientzien, eta Ekonomi eta Enpresa Zientzien fakultateak, Nekazaritza Ingeniarien eta Telekomunikazio eta Industri Ingeniarien goi mailako eskola teknikoak, eta Osasun Ikasketen Unibertsitate Eskola.

Batzuetan horiekin batera antzeko izen eta edukinak dituzten beste titulazio batzuk ere izaten dira, iraungitzeko dauden planei dagozkienak.

Esan bezala, azken urteotan lehen ikasmailarako egin den eskaintza 2.250 ikaspostukoa izan da. Titulazioen arabera, ikaspostu gehienak Enpresa Zientzien diplomaturari dagozkionak dira -300- eta Lan Harremanetakoak -250-. Dena dela, 125 ikaspostuetako eskaintza izan da arruntena titulazio gehienetan, hala nola, Nekazaritza Ingeniaritzan, Telekomunikazio Ingeniaritzan, Industri Ingeniaritzan, Industri Ingeniaritza Teknikoan (Mekanika), eta ondoko lizentziaturetan: Enpresa Administrazio eta Zuzendaritza, Ekonomia, Zuzenbidea, Soziologia eta Lan Harremanak.

Gehiago:

• Fakultateak eta eskolak
• Doktoretza ikastaroak
• Titulu Berekiak