Pedro Iráizoz Munárriz (Iruñea, 1948), ezkondua, hiru seme-alabaren aita, 1965ean hasi eta 1969ra arte egin zuen lan Banco Guipuzcoano izeneko bankuan. 1973an Nafarroa Kutxan hasi zen, eta bertan 2002. urteraino aritu zen, orduan Caja Navarra Fundaziora pasatu baitzen, eta hor egin du lan orain arte.

Nafarroa Kutxan egin zuen lanari dagokionez, esan behar da Langileen Departamentuan aritu zela 1981etik 2002ra arte, eta geroago Giza Baliabideak Garatzekoan. Eginkizun horretan hainbat ardura izan zituen, esaterako, Prestakuntza Planen diseinua, garapena, gauzatzea, jarraipena eta ebaluazioa; langileen barne sustapeneko sistemak garatzea, gauzatzea eta kontrolatzea; langileak aukeratzeko prozesuak antolatzea, garatzea, gauzatzea eta jarraitzea; plantillak dimentsionatzeko eta lanpostuak balioesteko ikerketak abian jartzea eta jarraitzea, Antolaketa Arloarekin batera.

Nafarroa Kutxa Fundazioan lanean aritu den bitartean, Ezgaitasunen eta Lankidetzaren lerroez arduratu da bereziki, bai nazioartean bai tokian-tokian. Eginkizun horren barnean Isterria Hezkuntza Bereziko Ikastetxearen kudeatzailea izan da.