Errektorea
Errektorea Unibertsitateko irakaskuntza-agintari gorena da, eta bere ordezkaria. Unibertsitateko komunitateak aukeratzen du, hautaketa zuzenaren eta sufragio unibertsal, libre eta isilaren bidez, Nafarroako Unibertsitate Publikoan aritzen diren katedradunen artetik. Errektorearen agintaldia lau urtekoa da.

Errektorea hautatzeko botoa haztatua izango da, Unibertsitateko Komunitatearen arloak kontuan hartuta, alegia: irakaskidegoetako irakasle doktoreak (%54), gainerako irakasle eta ikertzaileak (%18), ikasleak (%20), eta administrazio eta zerbitzuetako langileak (%8).

Errektoreak ordezkaritza-eginkizunak bete behar ditu, horien artean Unibertsitatearen ekitaldietako buru izatea, eta zuzendaritza-eginkizunak ere baditu; horien artean, honako hauek: Klaustroaren eta Gobernu Batzordearen bileretako deialdiak egitea, horietan buru izatea, eta horiek eta Gizarte Kontseiluak hartutako erabakiak betearaztea, edo lanpostuak betetzeko lehiaketetarako deialdiak egitea, eta Unibertsitateko irakasleak edo administrazio eta zerbitzuetako langileak izendatu eta kontratatzea. Tituluak eta diplomak bere izenean ematen dira.

Errektorea: Julio Lafuente López jaun txit prestua
Tel.: 948 169103
Posta elektronikoa: rector@unavarra.es

Zuzendaritza Kontseilua: Zuzendaritza Kontseilua: Zuzendaritza Kontseilua da errektoreari esleituta dauzkan eskumenak garatzen laguntza ematen dion organoa. Hauek osatuko dute: errektoreak, kontseiluburu baita, errektoreordeek, idazkari nagusiak eta kudeatzaileak.
Halaber, errektoreak badu atxiki bat Tuterako campuserako.
Horretaz gainera, errektordeek arloko zuzendariak izaten dituzte.