Erdialdean kokatua dagoenez gero, hiriak ozeanikoaren eta mediterraniarraren tarteko trantsizio eguratsa du. Kantauri itsasoaren eraginak Iparmendebaldeko haize hezeak dakartza sarritan euriarekin -urtean 134 egunetan eta 833 milimetroko eurijasa-, hezetasun erlatibo altua, ehuneko 70 ingurukoa, eta tenperatura leunak -urteko batezbestekoa 12 gradukoa da-.

Erriberan nagusi den egurats mediterraniarraren eragina udaldi lehorretan nabaritzen da, uztail eta abuztuko bero handiko egunetan. Hiriak udaberrira arte iristen den negu luzea izaten du. Elurra ere egin ahal du, urtean hamar egunetan batezbeste. Udaldia laburra izaten da, kasurik hoberenean uztail eta abuztura murriztuta, eta orduan ere ez dira falta ekaitzak eta egun freskoak. Iruñerrian udazkena oso atsegina izaten da tenperatura leunak, zeru aldakorrak eta etengabe aldatzen ari den paisaiaren edertasunari esker.

Temperaturak eta euriak Iruñean