Parte hartzeko baldintzak eta destinoak

Nafarroako Unibertsitate Publikoak urtero argitaratzen du urrian ikasleendako mugikortasunerako deialdia. Ikasketak zati batean atzerrian egiteko asmoa baldin baduzu, aipatutako epean aurkeztu beharko duzu eskaera, eta programa zehaztu, Kanpo Harremanetarako Bulegoan.
Nafarroako Unibertsitate Publikoak eskaintzen dituen mugikortasun programa guztietan parte hartzeko eskabidea egiterako gaindituta izan behar dituzu titulazioaren lehenengo ikasturteari dagozkion kredituak.
Programetan parte hartuko dutenak aukeratzea prozesu luzea da; izan ere, herrialde hartzaileak eskatzen badu, hizkuntza proba egin beharko duzu, eta, beti ere, zure ikasketa espedienteen arabera egingo da aurreko hautaketa. Aukeratua suertatzen bazara, Kanpo Harremanetarako Bulegokoek idatziz jakinaraziko dizute, eta informazio bilera batera deituko dizute prozesua zehaztasunez ezagut dezazun. Edonola ere, trukaketarako aukeratua izan bazara, 2. puntuan aurkituko dituzu agiriei, epeei eta abarrei buruz beharko dituzun argibide guztiak.
Jarraian azaltzen da zein eremu geografikotan egin ahal duzun zure ikasketen zatia eta programa bakoitzean parte hartzeko bete behar diren baldintzak.

Europar Batasuna - Erasmus Programa
Hezkuntza arloan lankidetzan aritzeko Europar Batasunaren ekintza programa da Sokrates. Erasmus, berriz, Sokratesen barnean den goi mailako irakaskuntzari eskaintzen zaion kapitulua da. Ekintza programa horren bidez, unibertsitateek dirulanguntzak jasotzen dituzte ikasle eta irakasleen mugigaitasuna sustatzeko, bai eta lankidetza ere Erkidego osoko goi mailako hezkuntza arloan.
Irakaskuntzako abantailez gainera, hainbat abantaila ekartzen ditu programa honetako beka bat jasotzeak:
Modua ematen du Europar Batasuneko unibertsitate batean ikasketa-aldi jakin bat egiteko, han egindako ikasketen irakaskuntza-balioa bermatuta izanda.
Atzerriko hizkuntzak modu aktiboan ikasteko bidea ematen du.
Atzerriko herrialdeko kultura zuzenean ezagutzen laguntzen du.
Europako herrialde batean hartutako esperientzia izanda, handiagoa da lan merkatuan sartzeko aukera.
Parte hartzeko baldintzak
Nafarroako Unibertsitate Publikoan lehenengo, bigarren edo hirugarren zikloko ikasketa programa bat egiteko matrikula egin duten ikasleek, ikasketa horiek titulu ofizial bat erdiesteko balio badute, eta unibertsitatean lehenengo urtea ez badute. Diplomaturen kasuan, trukaketara atera baino hilabete lehenago.
Unibertsitate hartzailean hitz egiten duten hizkuntzari buruz tarteko jakintza maila daukaten ikasleek.

Estatu Batuak/Beste herrialde batzuk - ISEP Programa
AEBetan eta 30 herrialdetan baino gehiagotan erakunde kideen arteko ikasle trukea errazteko erakundea da ISEP. Horretaz gainera, "Multilateral program" izenekoaren bidez, trukeak egin daitezke 59 erakunderen artean Asian, Australian, Kanadan, Europan eta Latinoamerikan.
Abantaila akademikoez gainera, hainbat dira egitasmo honetan beka bat izatearen abantailak:
Atzerriko unibertsitate batean ikasketa-aldi bat egiteko modua ematen du, ikasketen aitorpena bermatuta izanda eta bi erakundeetan ISEPen koordinatzaile bat edukita.
Atzerriko hizkuntzak modu aktiboan ikasteko bidea ematen du.
Zoazen herriko kultura eta mentalitatearekin harreman zuzena izaten lagunduko dizu.
Atzerrian hartutako esperientziak lan merkatuan sartzeko aukera gehiago emango dizu.
Atzerriko unibertsitate batean ikasketa-aldi bat egin dezakezu, zure hirian ikasketa-aldi horregatik ordaintzen duzunarekin.

Virrey Palafox Programa
Virrey Palafox izenekoa Nafarroako Unibertsitate Publikoaren programa berekia da, ikasle trukea Latinoamerikako unibertsitateekin egiteko.
Programa horren bitartez, ikasketen zati bat Latinoamerikako unibertsitate batean egin ahal izango duzu, bermea izanik aldi horretan erdietsitako kredituak onartuko dizkizutela itzulitakoan.