Arkitektura
Nafarroako Unibertsitate Publikoko campusa Javier Sáenz de Oiza, arkitekto nafarraren lana da. Casedan jaio zen 1918an eta bere lana unibertsala da. Bere ibilbidearen adibide adierazgarriak dira Arantzazuko Monasterioa (1950), etxebizitza esperimentalak Carabanchelen (1956), Torres Blancas proiektua Madrilen (1969), BBVren Madrilgo egoitza Paseo de la Castellana etorbidean (1978), M-30eko etxebizitzak Madrilen, Madrileko Juan Carlos I azoka eremua, Las Palmaseko Arte Modernoko Centro Atlántico eta Santanderreko Palacio de Festivales izeneko jaialdi-jauregia..

Sáenz de Oizak Iruñean bere sormen-indarraren arrastoa utzi du, unibertsitate berritzailea, guztiontzat erabilgarria eta inondik inora topikorik ez duena diseinatu baitu. Milioi laurden metro koadro baino gehixeagoko azaleran lana, ikasketa eta unibertsitateko estamentuen arteko harremana errazten duen eraikin sistema eratu du.

Lorezaintza
Nafarroako Unibertsitate Publiko osoa hainbat motatako landarez, zuhaitzez eta zuhaiskez apaindurik dago. Kokapena ez da nolanahi egin, campus osoaren plangintza bezala, aldez aurretik pentsatua izan da lorezaintza proiektu batean eta fideltasun handiz bete da. Kasu honetan lorategiek campusaren balio arkitektonikoa eta perspektibak nabarmendu nahi dituzte eraikinak bere hartan utzita.

Eskulturak
1996ko ekainaren 28an Ikasgelategiaren eta Gorostien Eraikin-sailaren artean, artistak aukeraturiko lekuan, Jorge Oteizaren "Diedroen konjuntzio bidezko partitura berezia" izeneko obra jarri zen. Eskultoreak Francisco Sáenz de Oiza Unibertsitateko arkitektu eta bere lagunari egin zion omenaldia da. 1950 urtean Arantzazuko Santutegiaren proiektuan elkarlanean arituak ziren.
Jorge Oteizaren eskultura burdinazkoa da, zientzia eta kultura zabaltzen dituen liburu irekia sinbolizatzen duten bi pieza handi tolestu agertzen ditu.

1997an, Unibertsitatearen sorreraren X. urteurrena ospatzeko ekitaldien artean, campusean eta eraikinen barnean artistek utzitako eskulturak jarri ziren.

Eskulturak campusean
"Itzulera. Oroimenaren ahotsa", burdina. Soledad Aragón de Arguedas.
"Esfera hautsia", altzairua. Faustino Aizkorbe de Olloqui.
"Pentsamenduen lekua". Carlos Ciriza de Estella
"Barnetik", loza eta metakrilato. Blanca Garnica de Lerín.
"Titulu gabe", burdina. Ricardo Laspidea de Pamplona.
"Jorgemartínezuharte". Iruñeko Jorge Martínez Uharte.
"Ihesa" aluminioa. Iruñeko Javier Muro.
"Topaketa", brontzea. Cascanteko Clemente Ochoa.
"9.369 idazketa mailukada". Sadako John Otazu.
"A eta B hartzailea", burdina eta xafla. Altsasuko Dora Salazar.
"Bukaerarik gabe", burdin erdoildua. Iruñeko Josetxo Santos.
"Harrijasotzaile", keramika. Peraltako José Ulibarrena.

Eraikinetako eskulturak
"Empatia II". Henriette Boutens van Uden, Liburutegiko atarian jarrita.
"Teobaldo", harria eta burdina. Iruñeko Antonio Eslava, Liburutegiko Irakurketa gelan jarrita.
"Malloei Omenaldia", zura. Oderitzeko Juan Gorriti, Olibondoen Eraikin-sailean jarrita.

Bisita gidatuak
Unibertsitateak, Komunikazio Zuzendaritzaren bidez, Ate Irekiko programa ezarria du, eta unibertsitateko instalazioetara bisita gidatuak egiteko aukera eskaintzen du.
Harremanean jartzeko 948·169890 telefonoaren bidez edo ondoko helbidera mezua bidaliz egin daiteke: protocolo@unavarra.es