Joan eduki nagusira

Unibertsitate Masterra Ingeniaritza Mekaniko Aplikatuan eta Konputazionalean

Espezializa zaitez mekanikaren alderdi aurreratuenetan, sistema berrien sorkuntzan eta diseinu teknologia berrien aplikazioan.

Hizkuntza: gaztelania
Kredituak: 90 ECTS
Iraupena: 3 seihileko (1,5 ikasturte)
Ikaspostuak: 30
Modalitatea: presentziala
Zuzendaritza akademikoa: Xabier Iriarte Goñi
Ikastegia: Industria, Informatika eta Telekomunikazio Ingeniaritzako Goi Mailako Eskola Teknikoa
Non emanen den: Iruñea

Aurkezpena

NBEren 2030 Agendaren Garapen Jasangarrirako Helburuekin bat datorren masterra.

ods 8 ods 9 ods 12 

 

Zergatik ikasi Ingeniaritza Mekaniko Aplikatuko eta Konputazionaleko Unibertsitate Masterra?

  • Prestakuntza teorikoa eta praktikoa jasoko duzulako ingeniaritza mekanikoko diseinuan, entseguan, makinen simulazio eta kontrolean, osagaietan, azpimultzo mekanikoetan eta egituretan.
  • Arlo honetako profesional kualifikatuen eskari handia dagoelako.
  • Mekanikaren alderdi aurreratuenak ulertuko dituzulako, eta horrek modua emanen dizulako sistema mekaniko berriak garatzeko, diseinuko teknologia berriak eta portaera mekanikoaren analisirako metodologia modernoak aplikatuz.
  • Gauza izanen zara:
    • Sistema mekaniko konplexuen portaeraren oinarri teorikoak ongi ulertzeko, bai eta sistema mekanikoetan gertatzen diren fenomenoak ere.
    • Sistema mekanikoen arazoak ebazteko.
    • Simulazio konputazionaleko teknika aurreratuak aplikatzeko.
    • Ingeniaritza mekanikoaren esparruko ikerketa-lan bat egiteko.
  • Nafarroako industriako sektore giltzarrietako arlo garrantzitsuenetan espezializatuko zara: arlo metal-mekanikoan, eolikoan eta automobilgintzan.
  • Ezagutza aurreratuak eskuratuko dituzu arlo hauetan:
    • Ingeniaritzako elementu finituak.
    • Sistema mekanikoen dinamika.
    • Nekea, zarata, bibrazioak eta analisi modala.
    • Sistema mekanikoen kontrola eta identifikazioa.
    • Ingeniaritzako metodo konputazionalak.
    • Automobilaren ingeniaritza.
    • Aerosorgailuen ingeniaritza.

Master hau hauekin batera egiten ahal duzu:

Espezializazioa

Gaitasunen inguruko prestakuntza

Hizkuntzak

Zer gradutatik sartzen ahal naiz Ingeniaritza Mekaniko Aplikatuko eta Konputazionaleko Unibertsitate Masterrera?

  • Industria Ingeniaritzatik. 
  • Industria Ingeniaritza Teknikotik. 
  • Ingeniaritza Mekanikotik.
  • Industria Teknologien Ingeniaritzatik.
  • Diseinu Mekanikoaren Ingeniaritzatik. 
  • Industria Ingeniaritza Teknikoaren lanbidean aritzeko gaitasuna ematen duten titulazio guztietatik.

Beste titulazio batzuen kasuan, berariaz aztertuko dira ikasleen esperientzia eta prestakuntza osagarria.

Zertan egiten ahalko dut lan Ingeniaritza Mekaniko Aplikatuko eta Konputazionaleko Unibertsitate Masterra bukatzen dudanean?

  • Ingeniaritza mekanikoko enpresetan.
  • Ibilgailuak, aerosorgailuak eta, oro har, makinak eraikitzen dituzten enpresetan.
  • Energia-osagaiak eta -sistemak diseinatzen eta fabrikatzen dituzten enpresetan.

Honako lan hauek egiten:

  • Edozein motatako osagai mekanikoak diseinatzeko ekipoetan integratzen.
  • Tresna konputazionalak darabiltzaten simulazioko eta kalkuluko ingeniaritzako ekipoetan integratzen.
  • Automobilgintzako industrietako lanak.
  • Aerosorkuntzako industrietako lanak.

Gaitasunak

Sarbidea eta onarpena

Sartzeko baldintzak

Master ikasketa ofizialetara sartzeko, beharrezkoa izanen da Europako Unibertsitate Eremuko edo beste herrialderen bateko goi mailako hezkuntza erakunde batek emandako unibertsitate titulu ofizial bat edukitzea, titulua eman den herrialdean master ikasketetara sartzeko aukera ematen duena.

Sartzeko baldintzak Sartzeko baldintzak

Masterraren irizpide espezifikoak

Masterreko Batzorde Akademikoa da, azken buruan, ikasleen onarpena zehazteko ardura duena. Eskaera gehiago badaude ikaspostu baino, baremo honen arabera onartuko dira ikasleak master honetan:

  • Espediente akademikoaren batez besteko nota (6 puntu gehienez ere). Hautagaien espediente akademikoa espedientearen batez besteko puntuazioari dagokion proportzioan baloratuko da (gehienez ere 4 puntu), eta 1 faktoreaz biderkatuko da hautagaiaren titulazioa Industria Ingeniaritza bada eta 0,5 faktoreaz beste titulazio bat bada.
  • Esperientzia profesionala/ikerketakoa (gehienez ere 4 puntu). Ingeniaritza Mekaniko Aplikatuko eta Konputazionaleko Masterrean irakasten denarekin zerikusia duen lan esperientzia baloratuko da. 0,16 puntu emanen dira lan kontratuko hilabete bakoitzeko.
     

Aurreinskripzioa Aurreinskripzioa
Matrikula Matrikula