Unibertsitate Masterra Bigarren Hezkuntzako Irakasletzan

Eskuratu ezazu prestakuntza Bigarren Hezkuntzako edozein etapatako irakasle izateko: DBH, Batxilergo edo Lanbide Heziketako irakasle izateko (LH), bai eta Hizkuntza Eskola Ofizialetan euskara, ingelesa, frantsesa edo espainiera atzerriko hizkuntza gisa irakasteko ere (ELE). 
Master honek lanbide hauetan aritzeko gaitasuna ematen du: Derrigorrezko Bigarren Hezkuntzako, Batxilergoko eta Lanbide Heziketako irakasle, eta hizkuntza irakasle (ECI/3858/2007 Agindua, 2007ko abenduaren 27koa).

Hizkuntzak: gaztelania, euskara, ingelesa eta frantsesa
Kredituak: 60 ECTS
Iraupena: 2 seihileko (ikasturte bat)
Ikaspostuak: 120
Modalitatea: presentziala
Zuzendaritza akademikoaInés Gabari Gambarte
Ikastegia: Giza, Gizarte eta Hezkuntza Zientzien Fakultatea
Non emanen den: Iruñea

Aurkezpena

NBEren 2030 Agendaren Garapen Jasangarrirako Helburuekin bat datorren masterra.

ods 8 ods 10 ods 11 ods 16 

 

Zergatik ikasi Bigarren Hezkuntzako Irakasletzako Unibertsitate Masterra?

  • Praktikak egiteko modua izanen duzulako ikastetxe publiko eta itunpekoetan.
  • Kualifikazio eta prestigio akademiko handiko irakasleak izanen dituzulako, sektore publiko nahiz pribatuko profesionalak direnak. 
  • Modua emanen dizulako Bigarren Hezkuntzako irakasleentzako oposizioetan parte hartzeko.
  • Irakasle aritzeko gaitasuna ematen duelako, eta kualifikazio handiko profesionalak prestatzen dituelako hezkuntza-sistemarentzat.

Master hau hauekin batera egiten ahal duzu:

Gaitasunen inguruko prestakuntza

Hizkuntzak

Zer gradutatik sartzen ahal naiz Bigarren Hezkuntzako Irakasletzako Unibertsitate Masterrean?

  • Espezialitate hauek egiteko, lizentziatura, ingeniaritza, arkitektura edo gradu batetik: 
    • Biologia eta Geologia 
    • Fisika eta Kimika
    • Geografia eta Historia
    • Atzerriko Hizkuntza: Ingelesa
    • Atzerriko Hizkuntza: Frantsesa 
    • Gaztelania eta Literatura 
    • Euskara eta Literatura
    • Matematika
  • Espezialitate hauek egiteko, diplomatura, ingeniaritza tekniko edo arkitektura tekniko batetik:
    • Teknologia
    • Ekonomia eta Enpresen Kudeaketa

      Espezialitate jakin batzuk egiteko, Lanbide Heziketako espezialitateak gehienak, diplomatura, ingeniaritza tekniko edo arkitektura tekniko bat behar da. Bigarren Hezkuntzako edozein irakasgaitako irakasle izateko (mugarik gabe), berriz, gradu baliokide batera egokitu behar da titulua beste bideren batetik, ez master honen bidez. Goi mailako titulazio bat dutenek (lizentziatura, ingeniaritza, arkitektura edo horien baliokide den gradu bat) Bigarren Hezkuntzako Irakasleen kidegoko espezialitateak egiten ahalko dituzte, trebakuntza osagarririk gabe. 
  • Euskara, Frantsesa eta Ingelesa espezialitateetarako, aldiz, bi baldintza hautako bat bete behar da: 
    • Euskal Ikasketen, Ikasketa Frantsesen edo Ingelesen Gradua izatea edo Euskal Filologiako, Filologia Frantseseko edo Ingeleseko edo Itzulpengintzako eta Interpretazioko Lizentziatura izatea (Frantsesa edo Ingelesa).
    • Beste gradu, lizentziatura, ingeniaritza edo arkitektura bat izatea eta honako bi baldintza hauek betetzea batera:
      • C1 maila edo handiagoa egiaztatzea Euskaran, Frantsesean edo Ingelesean ziurtagiri ofizial baten bidez.            
      • 60 ECTS egiaztatzea Euskal Filologian, Filologia Frantsesean edo Ingelesean, edo edukien proba bat gainditzea dagokion espezialitatean.
         

Zertan egiten ahalko dut lan Bigarren Hezkuntzako Irakasletzako Unibertsitate Masterra bukatzen dudanean?

Hezkuntza Ministerioak arautzen du zer baldintza bete behar diren irakasle izateko DBHn, Batxilergoan, Lanbide Heziketan, Hizkuntza Eskola Ofizialetan eta Bigarren Hezkuntzako irakaskidegoetako espezialitateetan. Hona hemen gaur egun indarrean dauden legeak: 

Gaitasunak

Sarbidea eta onarpena   

Sartzeko baldintzak

Master ikasketa ofizialetara sartzeko, beharrezkoa izanen da Europako Unibertsitate Eremuko edo beste herrialderen bateko goi mailako hezkuntza erakunde batek emandako unibertsitate titulu ofizial bat edukitzea, titulua eman den herrialdean master ikasketetara sartzeko aukera ematen duena. 

Sartzeko baldintzak Sartzeko baldintzak

Masterraren irizpide espezifikoak

Masterreko Batzorde Akademikoa da, azken buruan, ikasleen onarpena zehazteko ardura duena.

Atzerriko hizkuntza baten B1 maila edo hortik gorakoa.

Ikasleek ziurtagiri ofizial baten bidez egiaztatu beharko dute Hizkuntzetarako Europako Erreferentzia Esparru Bateratuaren araberako B1 maila edo hortik gorakoa dutela atzerriko hizkuntza batean.  
Gainera, Masterrean onartuak izateko irizpide gisa bakarrik, kontuan hartuko da NUPeko gradudunek B1 hizkuntza-maila egiaztatu zutela espedientea ixteko eta graduko titulua lortzeko, egiaztagiria zein bidetatik eskuratu zuten aintzat hartu gabe. Aleman, frantses eta ingeles maila egiaztatzeko onartutako ziurtagiriak.
Halaber, ingelesa, frantsesa, alemana edo italiera hitz egiten den herrialde bateko unibertsitate-tituludunen kasuan, onartu eginen da C1 maila dutela ikasketak egin dituzten hizkuntzan. Hortaz, ez dute egiaztagiri gehigarririk aurkeztu beharko.

Fitxa espezifikoa eta aukeren ordena

Masterrean aurreinskripzioa egiteko prozesuan, fitxa espezifiko bat bete behar duzu, eta hor adieraziko duzu zein espezialitate aukeratzen duzun lehentasunez (gehienez, bi aukera markatzen ahal dituzu). Aukera horien ordena kontuan hartuko da ikasleak masterrean onartzeko prozesuan, eta lehentasuna emanen zaie espezialitate bakoitza lehenbiziko aukera gisa hautatu duten ikasleei.
Beraz, espezialitate bakoitzean: lehenik eta behin, bi taldetan sailkatuko dira ikasleak: talde batean, espezialitate jakin bat lehenbiziko aukera gisa hautatu duten ikasleak sartuko dira; bigarren taldean, berriz, espezialitate hori bigarren aukera gisa hautatu dutenak. Gero, talde bakoitzean, beherago zerrendatutako irizpideen arabera ordenatuko dira ikasleak, eta, irizpide bakoitzaren barrenean, espediente akademikoaren arabera. Beharrezkoa balitz, curriculum vitaea erabil liteke ebazteko elementu gisa.

Lehentasun ordena ikasleak masterrean onartzeko
Espezialitate bakoitzean, irizpide hierarkizatu hauek ezarri dira:

1. lehentasuna: titulazioa.
Hautagaiak beren jatorrizko titulazioaren arabera ordenatuko dira, eta, baliokideak diren titulazioen kasuan, espediente akademikoaren arabera. Begiratu taula orientagarria beherago (“Lehentasun ordena titulazioen arabera” izenekoa).

2. lehentasuna: espezialitateko 60 kreditu eginak izatea.
Jatorrizko titulazio batek ez badu balio espezialitate jakin batean zuzenean sartzeko, ikaslea hautagai egokitzat hartuko da baldin eta ikasleak espezialitateko ikasgaietan gutxienez 60 kreditu egin dituela egiaztatzen badu.

3. lehentasuna: edukien proba.
Aurreko bi irizpideetako bat ere betetzen ez duten izangaiek edukiei buruzko proba bat egiten ahalko dute espezialitate batean sartzeko. Irizpide hori aurreinskripziorako 3. epean baino ez da erabiliko.
Edukien proba:

  • Eguna: iraileko lehenbiziko egun baliodunean, 16:00etan, hots, 2021ko irailaren 1ean, asteazkenean.
  • Tokia: Gela 04 (Ikasgelategia), Arrosadiko Campusa (Iruñea).
  • Edukien proba nolakoa den jakiteko, egin klik hemen.

Titulu homologatugabeak dituzten ikasleen onarpena, eta titulazio jakin baten eta graduko edo masterreko maila akademiko jakin baten baliokideak direla aitortua ez duten tituluak dituztenena

ECI/3858/2007 Aginduaren arabera (2007ko abenduaren 27koa), master honek lanbide hauetan aritzeko gaitasuna ematen du: Derrigorrezko Bigarren Hezkuntzako, Batxilergoko eta Lanbide Heziketako irakasle, eta hizkuntza irakasle. 
Horretaz gainera, funtzio publikoan lan egiteko, titulu ofizial bat behar da edo, bestela, titulu homologatua edo baliokidetasuna aitortua duena. Horregatik, atzerriko titulu homologatugabe bat duten ikasleak edo titulu baliokideak direla aitortua ez dutenak matrikulazioko 3. aldian onartuko dira, izatekotan.

Lehentasun ordena titulazioen arabera

* Aldez aurretiko oharra: arau orokor gisa, espezialitate baterako sarbide zuzena ematen duen gradu edo lizentziatura batean espediente akademikoaren batez besteko kalifikazioa 8koa edo hortik gorakoa duten ikasleek 1eko lehentasuna izanen dute espezialitate horretan.

Euskara eta Literatura

1º. Lizentziatura edo Gradua Euskal Filologian
Lizentziatura edo Gradua Hizkuntzalaritzan (Euskara)

2º. Filologiako beste gradu edo lizentziatura bat + C1 (Euskara)

3º. Lizentziatura edo Gradua Itzulpengintza eta Interpretazioan + C1 (Euskara)

4º. Lizentziatura edo Gradua Ikus-entzunezko Komunikazioan edo Kazetaritzan + C1 (Euskara)
Beste gradu edo lizentziatura bat + C1 (Euskara) + edukien proba, behar bada (sartzeko lehentasunetan 3.a)

Frantsesa

1º. Gradua Ikasketa Frantsesetan edo Lizentziatura Filologia Frantsesean

2º. Lizentziatura edo Gradua Itzulpengintzan eta Interpretazioan (Frantsesa)

3º. Filologiako beste gradu edo lizentziatura bat edo Itzulpengintza + C1 (Frantsesa)

4º. Beste gradu edo lizentziatura bat + C1 (Frantsesa) + edukien proba, behar bada (sartzeko lehentasunetan 3.a)

Gaztelania eta Literatura

1º. Lizentziatura edo Gradua Filologia Hispanikoan + C1 (Gaztelania)*
Lizentziatura edo Gradua Hizkuntzalaritzan + C1 (Gaztelania)*

2º. Filologiako beste gradu edo lizentziatura bat + C1 (Gaztelania)

3º. Lizentziatura edo Gradua Itzulpengintzan eta Interpretazioan + C1 (Gaztelania)*

4º. Lizentziatura edo Gradua Ikus-entzunezko Komunikazioan edo Kazetaritzan (ikusi funtzio publikoko irakasle izateari buruzko galdera ohikoak)
 

Ingelesa

1º. Gradua Ikasketa Ingelesetan edo Lizentziatura Filologia Ingelesean

2º. Lizentziatura edo Gradua Itzulpengintzan eta Interpretazioan (Ingelesa)

3º. Filologiako beste gradu edo lizentziatura bat edo Itzulpengintza + C1 (Ingelesa)

4º. Beste gradu edo lizentziatura bat + C1 (Ingelesa) + edukien proba, behar bada (sartzeko lehentasunetan 3.a)

Biologia eta Geologia

1º. Lizentziatura edo Gradua Biologian
Lizentziatura edo Gradua Geologian
Gradua Zientzietan**

2º. Lizentziatura edo Gradua Ingurumen Zientzietan
Lizentziatura edo Gradua Biokimikan
Lizentziatura edo Gradua Bioteknologian eta Biologia Molekularrean

3º. Lizentziatura edo Gradua Albaitaritzan
Nekazaritza Ingeniaritza edo gradu baliokidea

4º. Lizentziatura edo Gradua Elikagaien Teknologian
Lizentziatura edo Gradua Giza Nutrizioan eta Dietetikan
Lizentziatura edo Gradua Farmazian
Lizentziatura edo Gradua Itsas Zientzietan
Lizentziatura edo Gradua Medikuntzan
Gradua Erizaintzan
Gradua Fisioterapian

Fisika eta Kimika

1º. Lizentziatura edo Gradua Fisikan
Lizentziatura edo Gradua Kimikan
Ingeniaritza Kimikan edo gradu baliokidea
Gradua Zientzietan**

2º. Lizentziatura edo Gradua Biokimikan

3º. Ingeniaritza Nekazaritzan edo gradu baliokidea
Ingeniaritza Industriala edo gradu baliokidea

Matematika

1º. Lizentziatura edo Gradua Matematikan

2º. Lizentziatura edo Gradua Estatistikan
Lizentziatura edo Gradua Fisikan
Gradua Zientzietan**
Gradua Matematikako Ingeniaritzan edo Fisikan

3º. Lizentziatura edo Gradua Informatikan
Gradua Datuen Zientzian

4º. Ingeniaritza edo Gradua industriaren edo telekomunikazioen arloan

5º. Beste ingeniaritza batzuk

Teknologia

1º. Ingeniaritza edo gradu baliokidea

2º. Ingeniaritza Teknikoa (edozein espezialitatetan)

3º. Beste ingeniaritza edo gradu batzuk
Arkitektura edo gradu baliokidea

Geografia eta Historia

1º. Lizentziatura edo Gradua Historian
Lizentziatura edo Gradua Geografian
Historiako eta Ondareko Gradua

2º. Lizentziatura edo Gradua Giza Zientzietan

3º. Lizentziatura edo Gradua Artearen Historian

Ekonomia eta Enpresen Kudeaketa

1º. Lizentziatura edo Gradua Ekonomian
Lizentziatura edo Gradua Enpresen Administrazioan eta Zuzendaritzan

2º. Diplomatura Enpresa Zientzietan                                                 
Gradua Finantzetan eta Kontabilitatean
Gradua Marketinean eta Merkatuen Ikerketan

3º. Diplomatura Kudeaketa eta Administrazio Publikoan

4º. Gradua Lan Harremanetan eta Giza Baliabideetan

*  Titulazioa Espainiako Hezkuntza Sistematik kanpo eskuratu duten atzerritarrei eskatzen ahal zaie. ** Gradua Zientzietan espezialitatearen arloko diziplina anitzeko prestakuntzarekin.

Aurreinskripzioa Aurreinskripzioa
Matrikula Matrikula

Mugikortasuna

Maiz egiten diren galderak