Masterrak: matrikula 

MALaren defentsa egiteko pausoak

1. Matrikula egitea. Master Amaierako Lanaren irakasgaian matrikulatu behar du ikasleak egutegi administratiboak ezarritako epeetan.

2. Lana egitea MALaren zuzendariak gainbegiratuta; zure masterreko irakasle bat izanen da zuzendaria.

3. MALa defendatzeko inskripzioa egitea. Inskripzioa egiteko eta lana argitara dadin baimentzeko inprimakia betetzea; ikastegiko webgunean egonen da eskuratzeko moduan. Inprimakia noiz entregatu?

• Urtarrilean, lana otsailean defendatuko bada.
• Maiatzean, lana ekainean edo irailean defendatuko bada.

4. Dagokion ikastegian kontsultatzea MALaren memoria eta defentsa entregatzeko baldintzak.

• Nafarroako Unibertsitate Publikoko Ikasketa Amaierako Lanen Arautegia.
• 338/2021 Ebazpena, 2021eko otsailaren 16koa, Irakaskuntzako errektoreordeak emana, zeinaren bidez ezartzen baita Nafarroako Unibertsitate Publikoko Ikasketa Amaierako Lanen defentsa eta inskripzioa egiteko egutegia.
• Nafarroako Unibertsitate Publikoko Unibertsitate Masterreko Ikasketen Arauak (Gobernu Kontseiluaren 2020ko ekainaren 29ko Erabakia).
   

Matrikula egiteko baldintzak

MALaren matrikula egin ahal izateko, titulua lortzeko gainerako irakasgaiak gaindituak eduki behar dira edo matrikulatuak.

Titulazioari dagokion ikastegian MALa inskribatu aurretik egin behar da beti haren matrikula.

Noiz egiten da matrikula?

Bi aukera daude:

• Batetik, ikasturteko matrikula arrunta egitean, gainerako irakasgaiekin batera (automatrikularako programaren bidez).
• Bestela, aurrerago, aurrez aurre Graduondoko Ikasketen Atalean edo posgrado@unavarra.es helbidera mezu bat bidaliz.

Zenbat deialdi daude?

Matrikulak deialdi bakar baterako eskubidea ematen du matrikula egin den ikasturte horretan bertan.

Gainerako irakasgaien prezio berak aplikatzen zaizkio MALari. Era berean, beste irakasgaien salbuespen eta hobari berberak lortzeko eskubidea izaten dute ikasleek.

Masterrak: prezioak eta salbuespenak