• ES
  • EU
  • EN


Sartzeko probak: Batxilergoa eta LH (BEUS), 25, 40 eta 45 urtetik gorakoak


Batxillergoaren Ebaluazioa Unibertsitatean Sartzeko (BEUS)

 

 

Partes de este texto:

Azterketetarako jarraibideak

Azterketara aurkezteko ordua

- Ohiko deialdia:

Ohiko deialdiaren lehen saioaren aurretik (Gaztelania eta Literatura II), ordubete lehenago joan beharko da (8:30). Gainerako saioetan, ezarritako egunetan joan behar da dagokion epaimahaira, saio bakoitza hasi baino ordu erdi lehenago.

- Ohiz kanpoko deialdia:

Ohiz kanpoko deialdiaren lehen saioaren aurretik (Gaztelania eta Literatura II), berrogeita bost minutu lehenago joan beharko da (08:45). Gainerako saioetan, ezarritako egunetan joan behar da dagokion epaimahaira, saio bakoitza hasi baino ordu erdi lehenago.

 

Azterketa egiteko lekua

Web orrian argitaratuko da Ikastegien eta ikasgelen banaketa, saio bakoitza hasi baino egun batzuk lehenago.

Ikasgelategian, bai Iruñean eta bai Tuteran, erakusgai jarritako afixetan, eta saio bakoitza hasi baino lehen, aukera egongo da ikasle bakoitzak dagokion azterketa zer ikasgelatan egingo duen kontsultatzeko.

 

Azterketak egiteko jarraibideak

  • Lehen azterketa egunean ikasgelan sartzean, etiketa itsasgarriak dituen orri bat jasoko du ikasleak. Azterketa bakoitzaren bi orrialdetan itsatsi beharko ditu etiketak (bat azterketako koaderno ofizialaren lehen orrialdean eta beste bat azterketako koaderno ofizialaren azken orrialdean). Oso garrantzitsua da etiketak egoera onean gordetzea probak egin bitartean, egiten den azterketa bakoitzean itsatsi behar baitira. Horretaz gainera, etiketa horietan jasotzen dira pasahitz bat lortzeko jarraibideak. Pasahitzaren bidez zenbait gestio egin daitezke, esaterako kalifikazioak kontsultatzea.
  • Epaimahaiak aipatutako lekuan utziko dira ariketa egiteko erabiliko ez diren objektuak (motxilak, etab.).
  • Ariketa bakoitzaren hasieran azterketako koaderno ofiziala emango da, eta bertan, horretarako ezarritako lekuan, ikaslearen identifikazio etiketa bat itsatsi beharko da lehen orrialdean eta azken orrialdean. Koadernoaren lehen orrialdean, egin beharreko irakasgaiaren izena jarriko da. Soilik azterketako paper ofiziala erabiltzeko aukera egongo da, zeina koaderno bat baita, gehienez ere 9 orrialde dituena, eta koaderno horretara egokitu behar da.  
  • Isilik eta lekutik altxatu gabe egon behar da.  
  • Ez da ezein ariketatan sinatu behar.
  • Ikasleek debeku izango dute ikasgelan sartzea proba hasi denetik 15 minutu igaro direnean.
  • Ezein ikaslek ez du zilegi izango ikasgelatik irtetea proba hasi denetik 30 minutu igarotzen diren arte.
  • Ikasleek iruzurrezko ekintzak edo egoerak egin edo eragiten badituzte, Epaimahaiak neurriak eta erabakiak hartuko ditu kontuan hartuta gertaeren larritasuna, atzemandako probak, eta, beharrezkoa bada, gertaerak gertatutako unean egin diren alegazioak.
  • Gailu mugikorrak
  • Ikasleek ezin izango dute sartu azterketa egingo den ikasgelan komunikatzeko edo datuak gordetzeko gailu elektronikorik, besteak beste, telefono mugikorrak, ordenagailu pertsonalak edo ordulari adimendunak. Ikasleak halako gailu elektronikoren bat badauka (piztuta edo itzalita) edo erabiltzen badu azterketa hasi ondoren, kopiatzen ari dela ulertuko da.  Kasu horretan, 0 kalifikazioa jasoko du azterketa horretan.
  • Gorabehera dagokion epaimahaiak izapidetuko du, eta, hala badagokio, Batzorde Antolatzaileak. Batzorde horrek azken erabaki bat hartuko du gainerako probetako kalifikazioari buruz (baita proba horietan parte hartzeari buruz ere), eta gertakarien larritasunarekiko proportzionala izango da. Hori zehazteko, kasu bakoitzeko gorabeherak hartuko dira kontuan, eta proben zer fasetan gertatu den, horren arabera erabakiko da.
  • Nafarroako Unibertsitate Publikoak EZ du bere gain hartuko gailu horiek galtzearen edo hondatzearen ardura.