Hasiera > UNESCO Katedra > Jarduerak > Ikastaroak eta hitzaldiak
“Politika publikoak, dibertsitatea eta esku-hartze komunitarioa. Esperientziak Pirinioen bi aldeetatik” jardunaldia Herritartasunari, Bizikidetzari eta Aniztasunari buruzko UNESCO Katedraren eta MOTECO ekintza-taldearen (mugikortasunak, lurraldea eta kohesioa) arteko lankidetzaren emaitza da.
MOTECO taldeak Campus Iberusen (Ebro ibarreko Nazioarteko Bikaintasun Campusa) aitorpena jaso du gizarte zientzien arloan. Zaragozako, Errioxako eta Nafarroako unibertsitate publikoetako taldeek osatzen dute MOTECO taldea, eta lurralde bakoitzean lagun dute arlo komunitarioaren esparruan lan egiten duten erakunde eta administrazio sare bat (udalak, enpresa publikoak, mankomunitateak eta erakunde sozial pribatuak).
MOTECO ekintza-taldearen asmoa da mugaz haraindiko ikuspegi batetik politika publikoetan ikuspegi aldaketa beharrezkoaren oinarri izango diren marko teorikoak prestatzen laguntzea, bai eta esku-hartze eraginkorreko tresnen ikerketa ere kultura dibertsitate handiko testuinguruetan.
Horretarako, MOTECO ekintza taldearen sarea osatzen duten eragileen esperientzia akademikoetan eta esku-hartze komunitarioko esperientzietan oinarritzen da. Halaber, mugaz haraindiko ikuspegitik, loturak ezartzen ditu gune akademikoekin, Gizarte Laneko eskolekin eta Pirinioez bestaldeko entitate sozialekin, Pauekoekin eta Tolosakoekin zehazki.
Jardunaldiaren helburuak dira, lehenik eta behin, prestakuntza-gune amankomun bat sortzea irakasleen eta ikertzaileen, esku-hartzearen arloko profesionalen eta zerbitzu sozialen artean. Bigarrenik, esku-hartze komunitarioaren aukerak baliatuz, gogoeta egitea Pirinioen bi aldeetako dibertsitate handiko inguruneetako lan jardunari buruz eta politika publikoen zereginari buruz.